પાટણમાં વર્ષમાં એક જ વાર દશૅન આપતાં કાર્તિકેય ભગવાનના મુખના દર્શન કરવા ભક્તો ઉમટ્યા…

કાર્તિકેય પૂર્ણિમાના દિવસે ભગવાન કાર્તિકેયના સાનિધ્યમાં હવન યજ્ઞ સહિત ધામિર્ક ઉત્સવો ઉજવાયા..

પાટણ તા. ૨૭
ધાર્મિક નગરી પાટણમાં બિરાજમાન કાર્તિકેય સ્વામી ભગવાનનું મંદિર વર્ષમાં એક વાર જ ખુલે છે ત્યારે સોમવારે કાર્તિકેય પૂર્ણિમા નિમિતે મંદિરના દ્વાર ખુલતા ભગવાનનું મુખ સૂર્યોદયથી સૂર્યાસ્ત સુધી જોવા અને તેના દર્શનનો લ્હાવો લેવાની સાથે ભગવાન ના આશીર્વાદ મેળવવા વહેલી સવાર થી ભક્તોની મંદિર માં લાંબી કતાર જોવા મળી હતી અને ભગવાનના દર્શન કરી મહિલાઓ અને ભક્તોએ આશિષ મેળવી ધન્યતા ની અનેરી અનુભૂતિ કરી હતી

પાટણમાં દામાજીરાવ બાગમાં આવેલ 250 વર્ષ પૌરાણિક છત્રપતેશ્વર મંદિરમાં સમગ્ર શિવ પરિવાર સાથે ભગવાન કાર્તિકેય પણ બિરાજમાન હોઈ કાર્તિક પૂર્ણિમા ના દિવસે સૂર્યોદય પેહલા ભગવાનના મંદિરના દ્વાર ખોલી ભગવાનનું મુખ ભક્તોના દર્શન માટે ખુલ્લું મુકવામાં આવ્યું હતું

સૂર્યોદયથી સૂર્યાસ્ત સમય દરમ્યાન કાર્તિકેય ભગવાનના મુખના દર્શનનું વિશેષ મહત્વહોઈ વહેલી સવારથી મહિલાઓ અને ભક્તો મોટી સંખ્યામાં પોતાની બાધા મનોકામના પૂર્ણ કરવા અને દર્શનનો લ્હાવો લેવા દિવસભર ભક્તો નો ઘસારો રહેતા મંદિર પરિસરમાં ભક્તોની લાંબી કતાર જોવા મળી હતી. અને કાર્તિકેય પૂર્ણિમા એ ભગવાનના મુખના દર્શન કરી ભક્તો એ ધન્યતા અનુભવી હતી.

મંદિર પરિસરમાં ગોપાલસિંહ રાજપૂત પરિવારના યજમાન પદે યજ્ઞનું આયોજન કરાયું હતું.યજ્ઞની ડો. અમિતભાઈ ઓઝાએ મંત્રોચ્ચાર સાથે પૂજા વિધિ કરી શાંતિ,સમૃદ્ધિ અને દીર્ઘ આયુષ્ય માટે કામના વ્યકત કરી ભગવાન ના આશીર્વાદ મેળવ્યા હતા.કાર્તિકેય પૂનમ નિમીતે સાંજે બ્રાહ્મણો દ્વારા ભગવાનનો Invitation સાથે મહા પંચામૃત અભિષેક પણ કરવામાં આવ્યો હતો.

અહેવાલ યશપાલ સ્વામી