પાટણનાં ચંદ્રુમાણાનાં યુવાનને ઠગનારી લૂંટેરી દુલ્હન સહિત ત્રણના જામીન સેસન્સ કોર્ટ દ્વારા મંજૂર કરાયા..

વકીલ એસ. એમ. સોલંકી ની મુદ્દાસરની રજૂઆતને કોર્ટ દ્વારા ધ્યાને લઈ પ્રત્યેક આરોપી દિઠ રૂ. 25 હજારના સધ્ધર જામીન પર મુકત કર્યા..

પાટણ તા. ૧૮
પાટણ તાલુકાનાં ચંદ્રુમાણા ગામનાં યુવાન સાથે લગ્ન કરાવવા માટે નક્કી કરાયેલી યુવતિ (લૂટેરી દુલ્હન) રૂા. 1.10 લાખનાં સોનાચાંદીનાં દાગીના અને રૂા. અઢી લાખ રોકડ મળી કુલ રૂા.3.60 લાખની મતા સાથે પોતાનાં દલાલ સાથે રફુચક્કર થઈ ગઇ હતી. જે કેસમાં પાટણ તાલુકા પોલીસે પકડેલા દલાલ અને લૂંટેરી દુલ્હન તથા તેની માતાનાં રિમાન્ડ પૂરા થયા બાદ તેઓને જ્યુડીસિયલ કસ્ટડીમાં મોકલ્યા હતા. ત્યારે આરોપી દ્રારા તેમણે મુકેલી જામીન અરજી પાટણની જયુડીસીયલ કોર્ટમાં મેજિસ્ટ્રેટે નામંજુર કરી હતી ને તેઓને જયુડિસીયલ કસ્ટડીમાં મોકલાયા હતા.

ત્યારે આ કેસના આરોપીઓ નરેશ ઉર્ફે નુરાભાઈ જગાભાઈ રે. દાંતા, શારદાબેન ઉર્ફે ઉર્મિલાબેન હમીરા ભાઈ ઉર્ફે હોનાભાઇ રે. ગણવા, તા. પોશીના, સાબરકાંઠા તથા લૂંટેરી દુલ્હન મારૂબેન ઉર્ફે પારૂં હમીરા ભાઈ રે. ગણવા, સા.કાં.તરફે વકીલ એસ. એમ. સોલંકી દ્રારા ત્રણેય ને જામીન મળે તે માટે પાટણ ના બીજા એડિશનલ સેસન્સ જજ બિપીન ભાઈ કે. બારોટ સમક્ષ મુદ્દાસર ની રજુઆત કરતાં બીજા એડિશનલ જજ બિપીનભાઈ કે. બારોટે તેઓની રજુઆત ને ધ્યાનમાં રાખીને ઉપરોક્ત ત્રણેય આરોપી ઓને વ્યકિત ગત રૂ. 25 હજારના સધ્ધર જામીન પર મુક્ત કરવામાં આવ્યા હોવાનું આરોપીઓ ના વકીલ એસ.એમ.સોલંકી એ જણાવ્યું હતું.

અહેવાલ યશપાલ સ્વામી