પ્રજાપતિ પરિવારે પુત્ર ના વિદેશ ગમનની શુભકામનાસાથે ભગવાનશ્રી પદ્મનાભસન્મુખ સેવા સાથે દાળ રોટલી ની ઉજાણી કરી…

પાટણ તા. ૨૦
પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાભ મા અનન્ય શ્રધ્ધા ધરાવતા મૂળ પાટણના વતની અને હાલ ધંધાર્થે નાઈઝીરીયા ખાતે સ્થાયી બનેલા નરેશભાઈ જયંતીલાલ પ્રજાપતિ પરિવાર દ્વારા પુત્ર મિહિરને એજ્યુકેશન અર્થે કેનેડાના વિઝા પ્રાપ્ત થતા ભગવાનશ્રી પદ્મનાભજીની દાળ રોટલી ના પ્રસાદ સાથે સેવા પુજા આરતીનું ધામિૅક આયોજન કરવામાં આવ્યું હતું.

ભગવાન શ્રી પદ્મનાભજી સન્મુખ આયોજિત કરાયેલ સેવા,પુજા અને આરતી ના ધામિૅક પ્રસંગે મંદિરના મહંતો દ્રારા વાણી ગાવામાં આવી હતી.

આ ધામિૅક વિધિમા ચિ.મિહિર વષૉબેન નરેશભાઈ પ્રજાપતિ પરિવારે બિરાજમાન બની લ્હાવો પ્રાપ્ત કર્યો હતો.

વિધિ સંપન્ન બાદ સૌ પરિવારજનો સાથે સગા- સંબંધીઓ, સ્નેહી મિત્રો એ બહોળી સંખ્યામાં ઉપસ્થિત રહી ભગવાનની પ્રસાદ સ્વરૂપે દાળ રોટલી ગ્રહણ કરી ધન્યતા અનુભવી ચિ.મિહિરના વિદેશ ગમનની શુભેચ્છાઓ પાઠવી હતી.

અહેવાલ યશપાલ સ્વામી