સાંતલપુર પંથકના નાના રણમાં મીઠું પકવતા અગરિયા ઓને વન વિભાગ દ્વારા પ્રવેશ બંધી નો મામલો પુનઃ ગરમાયો..

અગરિયા પરિવાર સાથે પંથકના પ્રબુધ્ધ નગરજનોએ કલેકટર ને રજુઆત કરી યોગ્ય ન્યાય ની માંગણી કરી..

અગરિયા પરિવાર ને એક સપ્તાહ મા ન્યાય નહિ મળે તો ગાધી ચિધ્યા રસ્તે આંદોલન કરવાની ચિમકી..

પાટણ તા. ૨૬
કચ્છના નાના રણ સાંતલપુર વિસ્તારમાં પરંપરાગત પેઢી દર પેઢીથી મીઠું પકવતા અગરિયાઓ ને પડતી મુશ્કેલીઓ અને વન વિભાગ દ્વારા બંધ કરવામાં આવેલ મીઠાના અગરો પુનઃ ચાલુ કરવાની માગ સાથે બુધવારે અગરીયા પરિવારના આગેવાનો સાથે પંથકના પ્રબુધ્ધ વ્યક્તિઓ દ્વારા જિલ્લા કલેકટર ને આવેદન પત્ર સુપ્રત કરી તંત્ર દ્વારા અગરિયાઓના હિત મા એક સપ્તાહ મા નિણૅય નહિ લેવામાં આવે તો ગાદી ચિંધ્યા રસ્તે આંદોલન કરવાની ચિમકી આપવામાં આવી હોવાનું જાણવા મળ્યું છે.

પાટણ જિલ્લા કલેકટર ને ઉદેશીને ચિટનીસ ટુ કલેકટર ને આપવામાં આવેલ આવેદનપત્ર મા જણાવ્યું હતું કે સાંતલપુર કચ્છ ના રણ વિસ્તાર મા પરંપરાગત પેઢી દર પેઢી થી મીઠું પકવતા અગરિયાઓ જે લોકો વર્ષોથી પરંપરાગત રીતે મીઠું પકવતા અગરિયાઓ છે. અને જેમના નામ વન વિભાગ ના સર્વે સેટલ મેન્ટ રિપોર્ટમાં માં હોવા છતાં સરકાર ના વનવિભાગ દ્વારા મીઠું પકવવામાં માટે પ્રવેશબંધી કરી છે.

સાંતલપુર ના રણમાં, વન વિભાગ દ્વારા અગરિયાઓને મીઠું પકવવા જતા રોકવાથી લાખો લોકોની રોજગારી ઉપર પ્રશ્ન ચિન્હ ઉભો થવા પામ્યો છે, બીજી બાજુ આ કચ્છના નાના રણ ના કિનારે આવેલ ધાગધ્રા, ખારાધોડા, પાટડી, હળવદ, માં મીઠું પકવવા અગરિયાઓને છૂટ આપવામાં આવી છે અને ત્યાં મીઠું પકાવવા અગરિયાઓ રણમાં પહોંચી ગયેલા છે, બીજી બાજુ એજ રણમાં, એક જ રણ વિસ્તાર હોવા છતાં સાતલપુરના સ્થાનિક અગરિયાઓને મીઠું પકાવવા જતા રોકવામાં આવવાથી વન વિભાગ ઉપર ગંભીર આરોપ લાગી રહ્યા છે.

વન વિભાગની બેવડી નીતિથી સાંતલપુર અને આજુબાજુ વિસ્તારના લોકો મા રોશની લાગણી પ્રસરી ગઈ છે. રાજ્ય સરકાર આવા પેઢી દર પેઢી થી મીઠું પકવતા અગરિયાઓ અને તેમની પરંપરાગત આજી વિકાનું રક્ષણ કરી ને અગરિયાઓમાં જે ભય છે તેને તાત્કાલિક ધોરણે દૂર કરવાના પ્રયત્ન કરે તેવી વિનંતી કરવાની સાથે તંત્ર દ્વારા અગરિયાઓના હિત મા એક સપ્તાહ મા નિણૅય નહિ કરવામાં આવે તો ના છુટકે અગરિયાઓના પરિવારજનોએ ગાધી ચિધ્યા રસ્તે આંદોલન કરવાની ફરજ પડશે તેવું જણાવ્યું હતું.

અહેવાલ યશપાલ સ્વામી