પાટણ યુનિવર્સિટી સહિત 14 યુનિવર્સિટીના લાખો વિદ્યાર્થીઓ એડમિશન માટે હવે એક જ પોર્ટલ પર અરજી કરી શકશે..

પાટણ તા. ૪
રાજ્યના શિક્ષણ વિભાગ દ્વારા ગુજરાતની પાટણ સાહિત 14 સરકારી પ્રાદેશિક અને સ્ટેટ યુનિવર્સિટી ઓમાં ‘અરજી એક વિકલ્પ અનેક’ના ઉદ્દેશ સાથે GCAS (ગુજરાત કોમન એડમિશન સર્વિસીસ) પોર્ટલ ઉચ્ચ શિક્ષણ મંત્રી અને રાજ્ય કક્ષાના મંત્રી હસ્તે ખુલ્લું મુકવામાં આવ્યું હોવાનું યુનિવર્સિટી ના કાયૅકારી રજિસ્ટાર ડો. કે. કે. પટેલે જણાવ્યું હતું.આ પોટૅલ અંગે ની જાણકારી આપતાં તેઓએ જણાવ્યું હતું કે આટર્સ,કોમર્સ,સાયન્સ સહિતના સ્નાતક અને અનુસ્નાતક અભ્યાસક્રમ માં પ્રવેશ મેળવવા આગામી શૈક્ષણિક વર્ષ 2024-25 થી www.gcas.gujgov.edu.in પર ઓનલાઇન રજીસ્ટ્રેશન કરવાનું રહેશે. વિદ્યાર્થીઓએ માત્ર એક જ વખત રૂ. 300 ૨જીસ્ટ્રેશન ફી ઓનલાઇન ભરવાની રહેશે વધુ મા તેઓએ જણાવ્યું હતું

કે, ગુજરાત સરકાર દ્વારા (ગુજરાત કોમન એડમિશન સર્વિસીસ) પોર્ટલ શરૂ કરવાથી વિદ્યાર્થીઓને બહુ ફાયદો થશે.સિંગલ પ્લેટફોર્મ પર તમામ વિદ્યાર્થીઓ એડમિશન માટે અરજી કરી શકશે અને વિદ્યાર્થીઓ યુનિવર્સિટી અંતર્ગત ચાલતી તમામ માહિતી આ સિંગલ પ્લેટફોર્મ પરથી મેળવી શકશે. વિદ્યાર્થીઓને અલગ અલગ યુનિવર્સિટી માં કયા કોશિષ ચાલે છે તે સર્ચ કરવામાં માટે હવે આ ગુજરાત કોમન એડમિશન સર્વિસીસ પોર્ટલ પર ગુજરાત ના તમામ વિદ્યાર્થીઓ તમામ યુનિમાં કાર્યરત કોર્ષની માહિતી મળી શકશે.સિંગલ એપ્લિકેશન થી એડમિશન પક્રિયા થશે જેના કારણે વિદ્યાર્થીઓને ખૂબ ફાયદો થશે તેવું તેઓએ જણાવ્યું હતું.

અહેવાલ યશપાલ સ્વામી