નોરતા મહાકાળી પીપળવન ખાતે કેબીનેટ મંત્રી સહિત ના મહાનુભાવોની ઉપસ્થિતમા પ્રથમ સોપાન “શ્રી રામ વન”…

ભગવાન શ્રી રામને વૃક્ષ અર્પણ કરવામાં આવે તે અદભુત ધટના છે-કેબિનેટ મંત્રી બલવંતસિંહ રાજપૂત

પાટણ તા. ૨૧
પ્રકૃતિના સંરક્ષણ અને સંવર્ધન માટે સૌના આરાધ્ય પ્રભુ શ્રી રામની જન્મભૂમિ અયોધ્યા તીર્થક્ષેત્રમાં ભવ્ય રામ મંદિરની પુનઃ પ્રાણ પ્રતિષ્ઠાને અનુલક્ષીને પાટણ તાલુકાના નોરતા ગામે આર્યાવર્ત નિર્માણ પ્રેરિત મહાકાળી પીપળવન ખાતે કેબિનેટ મંત્રી બલવંતસિંહ રાજપૂત સહિતના મહાનુભાવોની ઉપસ્થિતિમાં ૨૨૦૦૦ વુક્ષો પ્રભુ શ્રી રામને અર્પણ કરવા માટે પ્રથમ સોપાન “શ્રી રામ વન”નો રવિવારે શુભારંભ કરવામાં આવ્યો હતો.

પ્રસંગને સંબોધતા કેબિનેટ મંત્રીએ જણાવ્યું હતું કે કાલે અયોધ્યા ખાતે મયૉદા પુરૂષોત્તમ ભગવાન શ્રીરામ બિરાજમાન થવાના હોય આ નિમિત્તે ભગવાન શ્રી રામને વૃક્ષ અર્પણ કરવામાં આવે તે ધટના અદભુત છે.આ પાવન પ્રસંગના ઉપલક્ષમાં આજે 2200 વૃક્ષોનું વૃક્ષારોપણ કરવામાં આવ્યું છે જે આર્યવ્રત ટ્રસ્ટની સારી કામગીરીને બિરદાવું છું.

આજે સારામાં સારા પુત્રની જો વાત કરવામાં આવે તો એ આપણા ભગવાન શ્રીરામ છે અને સારામાં સારા પતિ તરીકે જો કોઈને યાદ કરવાનું થાય એક મર્યાદા પુરુષોત્તમ તરીકે તો પણ ભગવાન શ્રીરામ છે.વધુ માં જણાવતાં કહ્યું હતું કે આવનારી પેઢીને શું આપી શકાય તેની આપણને ઘણી બધી ચિંતા હોય છે કે તેનો ચોક્કસ ઉકેલ પર્યાવરણ છે. તે આપણને ઓકસીજન ઉપરાંત બહુ જ રીતે ઉપયોગી થાય છે. કદાચ પર્યાવરણ ખોરવાય તે સમયની સ્થિતિ વિશે આપણે બહુ જ સારી રીતે સમજી શકીએ છીએ. એટલે આપણે પર્યાવરણ પ્રત્યે સભાન બનીએ.

આ પ્રસંગે મહંતશ્રી શક્તિપીઠ શ્રી મહાકાળી વિડ કાલી મઠ નોરતા પૂજ્ય શ્રી સંત શ્રી દેવગીરીબાપુ તેમજ પૂજ્ય સંત શ્રી દોલત રામજી મહારાજે આશીર્વચન આપ્યા હતા.આ પ્રસંગે પાટણ ના ધારાસભ્ય ડો. કિરીટ ભાઈ પટેલ, જિલ્લા વિકાસ અધિકારી ડી.એમ સોલંકી, જિલ્લા ભાજપ પ્રમુખ ડો.દશરથજી ઠાકોર, પર્યાવરણ પ્રેમી નિલેશભાઈ રાજગોર, સંગઠનના હોદ્દેદારો, સંતો મહંતો તેમજ બહોળી સંખ્યામાં પયૉવરણ પ્રેમીઓઉપસ્થિત રહ્યા હતા.

અહેવાલ યશપાલ સ્વામી