આયોધ્યા મા ભગવાન શ્રી રામ ની પ્રતિષ્ઠા મહોત્સવ ની અંબિકા શાકમાર્કેટ ના વેપારીઓએ અનોખી ઉજવણી કરી..

વેપારીઓ દ્વારા સત્ય નારાયણ ની કથા સાથે ભગવાન શ્રી રામ ની ભવ્ય શોભાયાત્રા યોજી.

પાટણ તા. ૨૩
અયોધ્યામાં ભગવાન રામચંદ્રજીના પ્રાણ પ્રતિષ્ઠા મહોત્સવને યાદગાર બનાવવા તારીખ 21મી જાન્યુઆરી ના રોજ અંબિકા શાક માર્કેટના પરિસર ખાતે આવેલા નાગેશ્વર મહાદેવના સાનિધ્યમાં સાંજે ભગવાન સત્ય નારાયણની કથા યોજાઈ હતી અને તા. 22 મી જાન્યુઆરીએ તમામ વેપારીઓએ સ્વયંભૂ પોતાના ધંધા રોજગાર બંધ રાખી ભક્તિ સંગીતના સૂરો વચ્ચે ભગવાન શ્રી રામની શોભાયાત્રા યોજી હતી.

અંબિકા શાક માર્કેટ થી પ્રસ્થાન પામેલ ભગવાન શ્રી રામચંદ્રજીની ભવ્ય શોભાયાત્રા શહેરના વિવિધ માર્ગો ઉપર ફરીને પુન:શાકમાર્કેટ ખાતે સંપન્ન બની હતી.

અયોધ્યા માં ભગવાન શ્રી રામચંદ્રજીના પુનઃ પ્રાણ પ્રતિષ્ઠા મહોત્સવ નિર્ણય અંબિકા શાકમાર્કેટ ના તમામ વ્યાપારીઓએ પોતાની દુકાનો પર ભગવાન શ્રી રામચંદ્રજીના ધ્વજ લહેરાવી રોશનીનો જગમગાટ કરવામાં આવ્યો હતો

તો માર્કેટ યાર્ડની તમામ દિવાલોને પણ ભગવાન શ્રી રામચંદ્રજીના તેમજ દેશભક્તિના સ્લોગન સાથે ચીત્રાંકન કરવામાં આવતા અંબિકા શાકમાર્કેટનું વાતાવરણ પ્રભુ શ્રી રામના રંગાયેલું જોવા મળ્યું હતું

અંબિકા શાકમાર્કેટ ખાતે આયોજિત કરાયેલા ધાર્મિક પ્રસંગો અને ભગવાન શ્રી રામચંદ્રજીની ભવ્ય શોભા યાત્રા ને સફળ બનાવવા અંબિકા શાક માર્કેટના પ્રમુખ મનોજભાઈ પટેલ અને મંત્રી કનુભાઈ પટેલ સહિત ના સભ્ય સહિત વેપારીઓ દ્વારા સુંદર આયોજન સાથે જહેમત ઉઠાવવામાં આવી હતી.

અહેવાલ યશપાલ સ્વામી