અયોધ્યા માં ભગવાન શ્રી રામચંદ્રજીના પૂન: પ્રાણ પ્રતિષ્ઠા મહોત્સવને લઈ મીનળ પાર્ક સોસાયટીના રહીશો એ પ્રભાતફેરી યોજી..

પ્રભાત ફેરી સંપન્ન થયા બાદ સમૂહમાં રહીશોએ યોગ-પ્રાણાયામ અને સૂર્ય નમસ્કાર કર્યા..

પાટણ તા. ૨૨
પાટણના ટેલિફોન એક્સચેન્જ રોડ પર આવેલી મિનળ પાર્ક સોસાયટીના રહીશો દ્વારા અયોધ્યા માં ભગવાન શ્રી રામચંદ્રજીના પુનઃ પ્રાણ પ્રતિષ્ઠા મહોત્સવની ઉજવણીમાં સહભાગી બનવા વિવિધ ધાર્મિક ઉત્સવ નું આયોજન કરવામાં આવેલ જે ઉત્સવના ઉપલક્ષમાં વહેલી સવારે છ કલાકે સોસાયટીના તમામ મકાનોને આસોપાલવના તોરણથી શણગારવામાં આવ્યા હતા.

ત્યારબાદ સોસાયટીના તમામ રહીશોએ ભક્તિ સંગીત સાથે શ્રી રામ જય રામ જય જય રામ ની ધૂન સાથે સોસાયટી ખાતે થી પ્રભાત ફેરી યોજી કેનાલ રોડ થઈ ગાયત્રી મંદિર થી પરત મીનળ પાર્ક સોસાયટી ખાતે પરત ફર્યા હતા.

મીનળ પાર્ક સોસાયટીના પરિવારજનો દ્વારા ભક્તિ સંગીતના સૂરો વચ્ચે શ્રી રામ જય રામ જય જય રામ ની ધૂન સાથે નીકળેલી પ્રભાત ફેરી ને લઇ સમગ્ર વાતાવરણ પ્રભુ શ્રી રામ ના રંગે રંગાયુ હતું.પ્રભાત ફેરી સંપન્ન બન્યા બાદ મિનળ પાર્ક સોસાયટીના રહીશો દ્વારા સમૂહમાં યોગ,પ્રાણાયામ અને સૂર્ય નમસ્કાર કરી પ્રભુ શ્રીરામને વંદન કર્યા હતા.

અહેવાલ યશપાલ સ્વામી