અયોધ્યા માં ભગવાન શ્રીરામ ની પુન: પ્રતિષ્ઠા મહોત્સવ ની ઉજવણીમાં સહભાગી બનતા પાટણના પત્રકારો મિત્રો..

ઇલેક્ટ્રોનિક તેમજ પ્રિન્ટ મીડીયા ના પત્રકારોએ સમૂહ આરતી સાથે ઝુંપડપટ્ટી વિસ્તારમાં મિષ્ટ ભોજન પિરસાયું..

પાટણ તા. ૨૩
અયોધ્યામાં ભગવાન શ્રી રામચંદ્રજીના પુનઃ પ્રાણ પ્રતિષ્ઠા મહોત્સવને અનુલક્ષી સમગ્ર ભારત ભરમાં ખુશી અને આનંદનો માહોલ છવાયો હતો. પાટણ શહેરના ધર્મ પ્રેમી નગર જનોની સાથે સાથે પાટણ ના ઇલેક્ટ્રોનિક તેમજ પ્રિન્ટ મીડિયાના પત્રકાર મિત્રોએ પણ ભગવાન શ્રી રામચંદ્રજીના પુનઃ પ્રાણ પ્રતિષ્ઠા મહોત્સવને યાદગાર બનાવવા શહેરના હેડ પોસ્ટ ઓફિસ નજીક આવેલા પૌરાણિક શ્રી રામચંદ્ર ભગવાન ના મંદિર પરિસર ખાતે સમૂહ આરતી ઉતારી ભગવાન શ્રી રામચંદ્રજી ના આશીર્વાદ મેળવી ધન્યતા અનુભવી હતી.

પાટણના પત્રકારો દ્વારા સમૂહ આરતી બાદ શહેરના ઝુપડપટ્ટી વિસ્તારમાં રહેતા પરિવારજનોને મિષ્ટાન સાથેનું ભોજન પીરસવામાં આવ્યું હતું.અયોધ્યા માં ભગવાન શ્રી રામચંદ્રજીના પુનઃ પ્રતિષ્ઠા મહોત્સવ ને લઈને પાટણના ઈલેક્ટ્રોનિક તેમજ પ્રિન્ટ મીડિયાના મિત્રો દ્વારા આયોજિત કરાયેલ આ સેવાકીય અને ધાર્મિક કાર્યમાં સિનિયર પત્રકાર સેવંતીલાલ સોની,જનકભાઈ રાવલ,દિલીપભાઈ ઓઝા,રાજુભાઈ સોની, રાજુભાઈ ત્રિવેદી, અલ્કેશ પંડ્યા,અમિત ખમાર,રમેશભાઈ સોલંકી,નીરવ ચક્રવતી, યશપાલ સ્વામી, ધર્મેન્દ્ર ગોસ્વામી,ભરત ચૌધરી સહિતના પત્રકાર મિત્રો ઉપસ્થિત રહ્યાં હતાં.

અહેવાલ યશપાલ સ્વામી