પાટણ ની ઓકસફર્ડ ઈંગ્લીશ સ્કૂલ ખાતે માગૅ સલામતી સેમિનાર યોજાયો..

સ્કૂલ ના વિધાર્થીઓને માર્ગ સલામતી સાથે ટ્રાફિકના નિયમો વિશે માર્ગદર્શન અપાયું…

પાટણ તા. ૩
ઓક્સફર્ડ ઇંગ્લિશ સ્કૂલ માં સહાયક પ્રાદેશિક વાહન વ્યવહાર કચેરી પાટણ દ્વારા રાષ્ટ્રીય માર્ગ સલામતી સેમિનારનું આયોજન શનિવારે કરવામાં આવ્યું હતું.

સી.બી.એસ.ઈ. સાથે સંલગ્ન ઓક્સફર્ડ ઈંગ્લીશ સ્કૂલ ખાતે ગુજરાત રોડ સેફટી ઓથોરિટી ગાંધીનગર અને સહાયક પ્રાદેશિક વાહન વ્યવહાર કચેરીના અનુ સંધાને આર.ટી.ઓ. પાટણ દ્વારા રાષ્ટ્રીય માર્ગ સલામતી સેમિનાર અંતગૅત આર.ટી.ઓ. ઇન્સ્પેક્ટર નિર્ભય ભાઈ ચૌધરી એ વિદ્યાર્થીઓને કોમ્પ્યુટરમાં ટ્રાફિક નિયમો દર્શાવતા વિડીયો બતાવીને સૌ વિદ્યાર્થી ઓને ટ્રાફિક ના નિયમોથી માહિતગાર કરી દ્વિચક્રી વાહન ચલાવતી વખતે હેલ્મેટ પહેરી રાખવું, વાહન ધીમી ગતિએ હંકારવું, ટ્રાફિકના નિયમોનું પાલન કરવું, વાહન ચલાવતી સમયે ફોનનો ઉપયોગ ન કરવો વગેરે જેવા ઉદાહરણો આપીને વિદ્યાર્થીઓ માં જાગૃતિનો સંચાર કર્યો હતો.આ કાર્યક્રમ માં સ્કૂલના આચાર્ય જોયન જોસ સહિત ટ્રસ્ટી મંડળ તથા શિક્ષકો ઉપસ્થિત રહ્યાં હતા

અહેવાલ યશપાલ સ્વામી