પાટણ તા. ૮
પાટણ જીમખાના મેદાન ખાતે ખેલ મહાકુંભ અંતર્ગત તાજેતરમાં સ્કેટિંગ સ્પર્ધા નું આયોજન કરવામાં આવ્યું હતું. જેમાં વિવિધ કેટેગરીના સ્પર્ધકોએ ઉત્સાહભેર ભાગ લઈ ખેલ મહાકુંભમાં સહભાગી બન્યા હતા.
પાટણ જીમખાના મેદાન ખાતે આયોજિત કરાયેલ ખેલ મહાકુંભ અંતર્ગત અંડર ઇલેવન ઈન લાઈન સ્કેટિંગ સ્પર્ધામાં પાટણ ભૈરવ મંદિરમાં સેવા આપતા કનુભાઈ પટેલના પૌત્ર આરવ વ્યોમેશભાઈ પટેલે 1000 મીટર સ્કેટિંગ સ્પર્ધામાં ભાગ લઈ સમગ્ર જિલ્લામાં બીજો ક્રમાંક પ્રાપ્ત કરી પોતાના પરિવાર સહિત શાળા ને ગૌરવ અપાવ્યું છે.
આરવ પટેલની આ સિધ્ધિ બદલ તેની શાળા પરિવાર સહિત પરિવારજનોએ તેમજ આરવ પટેલના સ્કેટિંગ કોચ દેવ ઓઝા એ શુભેચ્છાઓ પાઠવી રમતગમત ક્ષેત્રમાં આરવ પટેલ ઉતરોતર પ્રગતિ કરે તેવી અભિલાષા વ્યકત કરી હતી.
