પાટણ પંથકમાં તંત્રથી બેખોફ ભૂમાફિયાઓ દ્રારા મોટા પાયે કરાતી ખનન ચોરી..

ખનન ચોરી મામલે જાગૃત લોકો દ્વારા તંત્ર નું ધ્યાન દોરવા છતાં કોઈ નકકર કામગીરી ન કરાતાં રોષ..

પાટણ તા. ૯
પાટણ પંથકમાં ભૂમાફિયાઓ દ્વારા નદી ના પટ માં બેફામ રીતે ગેરકાયદેસર ખનન કરી લાખ્ખો રૂપિયા ની રોયલ્ટી ની ચોરી કરી સરકાર ની તિજોરીને મોટી નુકશાની પહોંચાડી રહ્યાં હોવા છતાં અને રેતી ખનન ની પ્રવૃત્તિ બાબતે જાગૃત નાગરિકો દ્વારા પણ પાટણ ખાણખનીજ વિભાગ ને ધ્યાન દોરવા છતાં તંત્ર ના પેટ નું પાણી પણ હાલતુ ન હોવાના કારણે ભૂમાફિયાઓ બિદાસ રેતી ખનનની પ્રવૃતિને અંજામ આપી રહ્યા હોવાની નદી ના પટ નજીક આવેલ ગ્રામજનો હૈયાવરાળ વ્યકત કરી રહ્યા છે.

ત્યારે સિધ્ધપુર તાલુકા ના નેદરા ગામ નજીક થી પસાર થતી નદી માથી ભૂમાફિયાઓ દિવસ રાત રેતી ખનનની પ્રવૃત્તિ કરતાં હોવાથી ગામ લોકોમાં બુમરાણ ઉઠવા પામી છે છતાં તંત્ર દ્વારા કોઈ નકકર કામ ગીરી ન કરાતા ગ્રામજનો માં રોષ ભભૂકી ઊઠયો છે.

પાટણ જિલ્લા માં બેફામ રીતે ભૂ માફિયાઓ નદી ના પટ માં તંત્ર ની પરવાનગી કરતા વધુ ખોદકામ કરી ખનનની ચોરી કરી સરકાર માં કોઈ પણ પ્રકાર ની રોયલ્ટી ચૂકવ્યા વગર ખુલ્લેઆમ ચોરી કરી રહ્યા છે. છતા પણ પાટણ ખાણ ખનીજ વિભાગ આ બાબતે કોઇ નકકર કામગીરી ન કરતું હોય જેને લઇ આમ પ્રજાજનો ભય ના ઓથા તળે આવી જવા પામ્યા છે. ત્યારે સિદ્ધપુર તાલુકા ના નેદ્રા ગામ ની સિમ માંથી પસાર થતી સરસ્વતી નદી ના પટ માં તંત્ર ની પરવાનગી અને નીતિ નિયમો હેઠળ લીઝ આપેલ છે પરંતુ આ ભૂ માફિયાઓ દ્વારા તંત્ર ના નીતિ નિયમો નેવે મૂકી પરવાનગી કરતા વધુ ખોદ કામ કરતા નેદ્રા ગામ ના લોકો ભય માં મુકાઈ જવા પામ્યા છે.

નદી ના પટ માં તેમજ ગામ ની સીમ સુધીના વિસ્તારમાં ભૂમાફિયાઓ દ્રારા મંજૂરી કરતાં વધુ ખોદ કામ કરી રહ્યા હોય જો નદી માં હાલ પાણી નો પ્રવાહ છોડવામાં આવે તો તે પાણી ગામ માં ઘુસી જઈ મોટી નુકશાની થાય તેવી સંભાવના ગામજનો સેવી રહ્યા છે ત્યારે મોટી સંખ્યા માં ગ્રામજનોએ નદી ના પટ માં પહોંચી ગેરકાયદેસર ખનન રોકવા તંત્ર સામે વિરોધ નોંધાવ્યો હતો અને જણાવ્યું હતું કે વર્ષ1972-73 માં નદીનું પાણી નેદ્રા ગામ માં ઘુસી ગયું હતું અને ગામના લોકો ને હીજરત કરવી પડી હતી

અને નુકશાની પણ થવા પામી હતી ત્યારે નદી ના પટ માં જે નીતિ નિયમો વિરુદ્ધ જે ખોદ કામ થઇ રહ્યું છે તે તંત્ર દ્વારા તાત્કાલિક રોકવામાં આવે નહી તો ફરી વર્ષ 1972 ની ઘટના નો ગ્રામજનો ને સામનો કરવો પડે તેવી સ્થિતિ નિર્માણ થશે તો તેનું જવાબદાર કોણ તેવા સવાલો પણ ગ્રામજનોમાં ઉઠવા પામ્યા છે. તો બીજી તરફ નદી ના પટ માં ત્રણ મીટર સુધી ખોદકામ માટે પરવાનગી આપવામાં આવી છે પણ ભૂ માફિયાઓ દ્વારા 10 થી 12 મીટર સુધી નું ગેરકાયદેસર ખોદકામ કરી નાખ્યું હોવાનું ગ્રામજનો જણાવી રહ્યા છૅ ત્યારે તંત્ર દ્વારા આ પ્રકાર ની પ્રવૃત્તિ ને અટકાવવી જોઈએ તેવી માંગ સાથે ગ્રામજનોએ વિરોધ પ્રદર્શન કર્યું હતું.

અહેવાલ યશપાલ સ્વામી