હેમ. ઉ. ગુ.યુનિ. ખાતે એકદિવસીય AISHE વર્કશોપ યોજાયો..

વકૅશોપમાં ઉત્તર ગુજરાતના ૩૦૦ થી વધુ નોડલ ઓફિસરોએ ઉપસ્થિત રહી તાલીમ મેળવી…

સરકારની શૈક્ષણિક નીતિઓ ઘડવામાં AISHE નું સંશોધન ખુબ મહત્યનું છે: કા. કુલપતિ..

પાટણ તા. ૯
પાટણ હેમચંદ્રાચાર્ય ઉત્તર ગુજરાત યુનિવર્સિટી ખાતે ઓલ ઇન્ડિયા સર્વે ઓન હાયર એજ્યુકેશન (AISHE) અંતરગતૅ ઉત્તર ગુજરાતના પાટણ, બનાસકાંઠા, સાબરકાંઠા મહેસાણા અને અરવલ્લી જીલ્લામાં આવેલી હેમચંદ્રાચાર્ય ઉત્તર ગુજરાત યુનિવર્સિટી તેમજ ગુજરાત ટેકનોલોજીકલ યુનિવર્સિટી સંલગ્ન કોલેજોના નોડલ ઓફિસરનો શુક્રવારે એક દિવસીય વકૅશોપનો પ્રારંભ યુનિવર્સિટીના કા. કુલપતિ પ્રો.રોહિત દેસાઈ દ્વારા કરવામાં આવ્યો હતો.આ પ્રસંગે તેઓએ જણાવ્યું હતું કે, રાજ્ય સરકાર હોય કે કેન્દ્ર સરકાર તેની નીતિ નિર્ધારણ માટે કોઈપણ ક્ષેત્રમાંથી મળેલી માહિતીનું યોગ્ય પૃથ્થકરણ જરૂરી હોય છે. ત્યારે ઉચ્ચ શિક્ષણ માં આ માહિતી એકત્ર કરવાની જવાબદારી એ આઈ એસ એચ ઈ કરી રહ્યું છે જે કામ ખુબ ચોક સાઈ અને ચીવટ માગી લે છે. સરકારે નવી શિક્ષણ નીતિની અમલ વારી શરુ કરી છે ત્યારે કોલેજો પણ પોતાની સચોટ માહિતી પ્રદાન કરે તો ભારત ઉચ્ચ શિક્ષણની દિશામાં પણ અગ્રીમ હરોળમાં રહેશે.

ભારત સરકારના એજ્યુકેશન મીનીસ્ટ્રી ના આસી. ડાયરેક્ટર સૌરભ કાન્તે જણાવ્યું હતું કે, આજના જમાના માં A I નો ઉપયોગ વધી રહ્યો છે. ત્યારે વિભાગ પાસે પણ દેશનો સાચો અને સચોટ ડેટા ખુબ ઉપયોગી નીવડે છે. પ્રધાનમંત્રી નરેન્દ્રભાઈ મોદીનું વિઝન અને રોડમેપ ૨૦૪૬ના ભારતનો છે. જે અંતર્ગત દેશના ૭૦૦૦ જેટલા તાલુકાનો વિશેષ અભ્યાસ બાદ શૈક્ષણિક વિકાસ કરવાનો ઉદેશ્ય છે.આ વિભાગના પ્રોગ્રામર શિવમ પાંડેએ જણાવ્યું હતું કે, નોડલ ઓફિસર ખુબ જ મહત્વનું કામ કરી રહ્યા છે આ વિગતો જે મળશે તે પી એમ ગતિશક્તિ સાથે જોડાશે જેનાથી દેશની નવી શિક્ષણ નીતિમાં ખુબ જ મોટો સુધાર આવશે દેશના એસ સી, એસ ટી, ઓ બી સી સહીત વિવિધ ભૌગોલિક વિસ્તારોની શૈક્ષણિક જરૂરિયાતો જાણવા મળશે હાલ ગુજરાતની સૌથી વધુ કોલેજો એટલે કે ૬૦૦ થી વધુ કોલેજો ધરાવતી પાટણ યુનિવ ર્સિટી એટલે જ પસંદ કરી છે કારણકે ઉત્તર ગુજરાતમાં તમામ પ્રકારની જનસંખ્યા અને ભૌગોલિક વિસ્તાર છે.આ કાર્યક્રમમાં કેસીજી માંથી ડો. દિનેશકુમાર શર્મા, કો ઓર્ડીનેટર એચ એલ પડિયા, એન આઈ આર એફ ન્યુ દિલ્હીના ડો. બ્રિજેશ રાઠોડ, ડેપ્યુટી રજીસ્ટ્રાર ડો. કમલ મોઢ, આસી. રજીસ્ટ્રાર ડો પારુલ ત્રિવેદી સહીત ૩૦૬ થી વધારે નોડલ ઓફિસર ઉપસ્થિત રહ્યા હતા.

અહેવાલ યશપાલ સ્વામી