પાટણના શ્રી ચામુંડા સ્ટીલ ફર્નિચર ના કારખાના માં ચોરી કરી ફરાર થયો..

કારખાના ના માલિકે માર્કેટ યાર્ડના સીસીટીવી કેમેરા ના કુટેજો તપાસી પોલીસ ફરિયાદ ની તજવીજ હાથ ધરી..

પાટણ તા. ૧૩
પાટણ માર્કેટ યાર્ડ કેમ્પસમાં પ્લોટ નંબર 9015 માં આવેલ શ્રી ચામુંડા સ્ટીલ ફર્નિચર નામના કારખાનાના માલિક ના કારખાનાની અંદર લગાવેલી ખીટી મા લટકાવેલ પેન્ટ શટૅ ના ખિસ્સા માથી કોઈ જાણ ભેદુ ઈસમ સમય પારખી રૂ. 9500 રોકડ સહિત જરૂરી ડોકયુમેન્ટ તેમજ ગાડીની આરસી બુકની ચોરી કરી પલાયન થયો હોવાની ઘટના બનતા કારખાના ના માલિક દ્રારા માર્કેટ યાર્ડમાં લગાવેલા સીસીટીવી કુટેજ તપાસવાની સાથે ચોરીનાં બનાવને અંજામ આપનાર અજાણ્યા શખ્સ સામે પોલીસ ફરિયાદ માટે ની તજવીજ હાથ ધરી હોવાનું જાણવા મળ્યું છે.

આ બાબતે મળતી હકીકત મુજબ પાટણ માર્કેટ યાર્ડ કેમ્પસમાં આવેલ શ્રી ચામુંડા સ્ટ્રીટ ફર્નિચર નામના કારખાના ના માલિક પટેલ રાહુલ કુમાર મણીલાલ પોતાના કારખાને તિજોરી કબાટનું કામ કરવા માટે પોતે પહેરેલા કપડાં બદલીને કારખાનામાં લગાવેલી ખીટી પર ટીંગાડી કારખાનાના કપડા પહેરીને કામ કરી રહ્યા હતા અને બપોરના આશરે 12:30 કલાકના સુમારે તેઓ કોઈ કામ અર્થે પોતાના કારખાના નથી 10 મિનિટ માટે બહાર ગયા હતા.

અને ત્યારબાદ તેઓ કારખાનામાં આવ્યા હતા અને સાંજે કામ પતાવી કારખાના ના કપડાં કાઢી કારખા ના માં લગાવેલ ખીટી પરના પોતાના રેગ્યુલર કપડાં પહેરતાં પેન્ટ શટૅ મા રાખેલ પોતાનું પાકીટ સહિત અગત્યના કાગળ જોવા નહિ મળતા કોઈ જાણ ભેદુ શખ્સ તેઓના રોકડ રકમ રૂ. 9500 ભરેલ પાકીટ સહિત અગત્યના ડોકયુમેન્ટ ચોરી કરી ગયો હોય તેઓએ માર્કેટ યાર્ડમાં લગાવેલા સીસીટીવી કેમેરાના કુટેજો ની તપાસ હાથ ધરી ચોરીને અંજામ આપનારા અજાણ્યા શખ્સ વિરુદ્ધ પોલીસ ફરિયાદ ની તજવીજ હાથ ધરી હોવાનું તેઓએ જણાવ્યું હતું.

અહેવાલ યશપાલ સ્વામી