![](https://369news.in/wp-content/uploads/2023/06/Sandal-Sharif-of-Sufi-saint-Hazrat-Mast-Qalandar-Peerbawa-R.A.-was-celebrated-at-Wanagawada-Patan.1-jpeg.webp)
પાટણ ધારાસભ્ય સહિત ના હિન્દુ- મુસ્લિમ આગેવાનો ઉપસ્થિત રહ્યા..
પાટણ તા. 26
પાટણ શહેર એ વિવિધ સંપ્રદાયો ના મહાન સૂફી સંતોની ભૂમિ છે વિવિધ ધર્મો ના સૂફી સંતો ની મજારો અને સમાધિઓ પાટણ ની પ્રભુતા અને પવીત્રતા માં વધારો કરી રહી છે અને આ મહાન ઐતિહાસિક ધરોહર ને ગૌરવશાળી બનાવી રહી છે.આવા જ મહાન સૂફી સંત હજરત મસ્ત કલંદર પીર બાબા (ર.અ) જેઓની મજાર શહેરના વનાગવાડા ના નાકે આવેલી છે.જયા ગતરોજ તા. 25 મી જૂને રાત્રી ના સમયે એમનો સંદલ શરીફ ઉજવાયો હતો.
![](http://369news.in/wp-content/uploads/2023/06/Sandal-Sharif-of-Sufi-saint-Hazrat-Mast-Qalandar-Peerbawa-R.A.-was-celebrated-at-Wanagawada-Patan.2-jpeg.webp)
વનાગવાડા ના યુસુફભાઈ શેખ ના નિવાસ સ્થાને થી સંદલ ની ચાદર પેશ કરવામાં આવી હતી અને ફાતિહા ખ્વાની કરી સૂફી સંત ને અકીદત પેશ કરવામાં આવી હતી. ત્યારબાદ રાતીબે રિફાઈ નો કાર્યક્રમ યોજાયો હતો અને ન્યાજ તકસીમ કરવામાં આવી હતી.આ પ્રસંગે દરગાહના ખાદીમ મુનિરખાન (પટેલ) અને વહીવટ કર્તા મોહમદમીયા (મેટ્રો) સાથે રહ્યા હતા.જયાં અકીદતમંદો અને શ્રદ્ધાળુઓએ હાજરી આપી ધન્યતા અનુભવી હતી. અને પાટણ શહેર તેમજ દેશ ની એકતા અને સલામતી માટે દુઆઓ કરવામાં આવી હતી.આ પ્રસંગે પાટણ ના ધારાસભ્ય ડો.કિરીટભાઈ પટેલ, પાટણ વોર્ડ નંબર 8 ના નગર સેવક ભરતભાઈ ભાટિયા,ઉસ્માનભાઈ શેખ, યાસીન ભાઈ સુમરા,યાસીન મિર્ઝા, નજીર ભાઈ મકરાણી, ઇબ્રાહિમશેખ, હબીબ મિયા શેખ, મહેબૂબ શેખ,અમજદ બલોચ, ઇસ્માઇલ શેખ,તેમજ અકીદતમંદો હાજર રહ્યાં હતા.
અહેવાલ યશપાલ સ્વામી