પાટણ પાલિકા ની બાકી વેરાની રકમ ભરપાઈ નહિ કરનાર આઇબીપી પેટ્રોલ પંપ ની પ્રોપર્ટી ને પાલિકા એ સીલ કરી..

પાલિકા ની વેરા વસુલાત ઝુંબેશ ને લઇ રેસીડેન્ટ અને કોમર્શિયલ બાકી વેરા મિલકત ધારકોમાં ફફડાટ વ્યાપ્યો..

પાટણ તા.15
ગુજરાત નગરપાલિકા અધિનિયમ, 1963 ની કલમ 133 ની પેટાકલમ (1)મુજબ પાટણ શહેરના સિધ્ધપુર ચાર રસ્તા નજીક આવેલ સેવંતિભાઇ ખેમાભાઈ પટેલ ની માલિકી વાળા આઈ.બી.પી.ઓટો સર્વીસીસ નામના પેટ્રોલ પંપના પાટણ નગરપાલિકા ના બાકી વેરા પેટે ની રકમ રૂ. 3,27,430 ભરપાઈ કરવા માટે અનેક વખત નોટિસો સાથે મૌખિક સુચનાઓ આપી જણાવ્યું હોવા છતાં તેઓ દ્રારા પાલિકા ની બાકી વેરાની ઉપરોક્ત રકમ આજદિન સુધીમાં ભરપાઈ નહીં કરતાં ગુરૂવારે પાટણ નગર પાલિકા ની વેરા શાખા ના અધિકારી સહિતની ટીમે તેઓની પ્રોપર્ટી ને સીલ મારવાની તજવીજ હાથ ધરતા બાકી વેરા મિલકત ધારકોમાં સનસનાટી મચી જવા પામી હતી.

આ બાબતે પાટણ નગર પાલિકા ની વેરા શાખાના અધિકારી લક્ષ્મણભાઈ પટેલે જણાવ્યું હતું કે પાટણ નગરપાલિકાની આર્થિક પરિસ્થિતિને ધ્યાનમાં રાખીને શહેરના બાકી વેરા મિલકત ધારકોના બાકી વેરા ની વસૂલાતની ઝુંબેશ તેજ બનાવવા વેરા શાખા દ્વારા વિવિધ ટીમો બનાવી બાકી વેરા મિલકત ધારકોને પોતાના વેરા ભરપાઇ કરવા નોટીસો ની બજવણી સાથે મૌખિક જાણ કરવામાં આવી છે.

છતાં રેસીડેન્ટ અને કોમર્શિયલ વિસ્તારના બાકી વેરા મિલકત ધારકો પોતાની બાકી વેરાની રકમ ભરપાઈ ન કરતા આવા બાકી વેરા મિલકત ધારકોના પાણી કનેક્શન અને ભૂગર્ભ કનેક્શન કાપવાની કામગીરી હાથ ધરવામાં આવી છે સાથે સાથે રેસિડેન્શિય અને કોમર્શિયલ મિલકતોના ધારકો દ્વારા પોતાની બાકી વેરા ની રકમ ભરપાઈ ન કરે તો તેઓની પ્રોપર્ટી સીલ કરવાની કાર્યવાહી પાલિકા દ્વારા હાથ ધરવામાં આવી હોવાનું તેઓએ જણાવી ગુરૂવારે પાટણ શહેરના સિદ્ધપુર ચાર રસ્તા નજીક આવેલ સેવંતિભાઈ ખેમાભાઇ પટેલ કે જેઓની માલિકી ના આઇ.બી.પી. પેટ્રોલ પંપના બાકી વેરા ની રકમ ભરપાઈ કરવાની મુદત સને 2021 થી સને 2022 ના માર્ચ મહિનાની છેલ્લી તારીખે પૂરી થતી મુદત બાદ તેઓની હાંસિયા મા જણાવેલ કર- લેણી થયેલી તથા નિયમ ક્રમાંક કલમ 133 ગુજરાત નગરપાલિકા અધિનિયમ, 1962 અન્વયે ભરપાઈ કરવાની રકમ રૂ. 3,27,430 ભરપાઈ નહી કરતાં પાટણ નગરપાલિકાની વેરા શાખા ની ટીમ સાથે તેઓની મિલકતને સીલ કરવાની કામગીરી હાથધરી હોવાનું તેઓએ જણાવ્યું હતું.

પાટણ નગરપાલિકા દ્વારા રેસીડેન્ટ અને કોમર્શિયલ મિલકત માલિકો પાસેથી બાકી વેરાની રકમવસુલાત કરવા માટે હાથ ધરાયેલી પાલિકા ની વેરાવસુલાત ની કડક ઝુંબેશને લઈને બાકી વેરા મિલકત ધારકો
માં સનસનાટી મચી જવા પામી હતી.