પાટણ તા. ૧૫
તાજેતરમાં નેશનલ એજન્સી (NTA) દ્વારા JEEMains ની લેવાયેલી પરીક્ષામાં પાટણની સી.બી.એસ.ઈ. સાથે સંલગ્ન ઓક્સફર્ડ ઇંગ્લિશ સ્કૂલના વિદ્યાર્થી વિશ્વ તુષારકુમાર પટેલે પરીક્ષા આપી હતી. જે પરીક્ષાનુ પરિણામ જાહેર થતાં ઓકસફર્ડ સ્કૂલ ના વિધાર્થી વિશ્વ તુષારકુમાર પટેલે પાટણ જીલ્લા માં 99.78 પર્સન્ટાઇલ સાથે પ્રથમ ક્રમાંક પ્રાપ્ત કરીને શાળા- પરિવારનું નામ રોશન કરેલ છે. વિશ્વ એ ઓક્સફર્ડ ઇંગ્લિશ સ્કૂલ માં ધોરણ 1 થી 12 સુધી અભ્યાસ કરેલ છે. સ્કૂલના સંસ્થાપક જગદીશ કથુરિયા, આચાર્ય જોયન જોસ, ટ્રસ્ટી શાંતિ ભાઈ સ્વામી, વિજયભાઈ પટેલ, પૂનમબેન કથુરિયા, જગદીશભાઈ ખમાર, હર્ષ પટેલ, હાર્દિક સ્વામી સહિત શિક્ષક મિત્રોએ શુભેચ્છા પાઠવી ઉચ્ચ કારકિર્દી ની કામના વ્યકત કરી હતી.
અહેવાલ યશપાલ સ્વામી
