પાટણ જિલ્લાની ચોર માર પૂરા ખાતે નવ નિર્માણ પામેલી કેન્દ્રીય વિદ્યાલય શરૂ કરવા માંગ ઉઠી..

સમસ્યા મંચ (સુચિત) ના સંયોજક દ્વારા વડાપ્રધાન,મુખ્યમંત્રી,મંત્રી,સાંસદ, ધારાસભ્ય અને કલેકટર ને પત્ર લખી રજુઆત કરાઇ.

પાટણ તા. ૧૯
પાટણ જિલ્લાની કેન્દ્રીય વિદ્યાલય તૈયાર થયેલ પોતાના નવીન મકાનમાં શરૂ કરવા માટેની માગ ઉઠવા પામી છે.આ બાબતે પાટણ જિલ્લા સમસ્યા મંચ (સુચિત) ના સંયોજક દ્વારા વડાપ્રધાન નરેન્દ્ર મોદી તેમજ મુખ્યમંત્રી ભુપેન્દ્ર પટેલ ને પત્ર લખી રજૂઆત કરવામાં આવી છે કે પાટણ જિલ્લો એ અંતરિયાળ અને ખેતીવાડી અને પશુપાલન ઉપર નભતો જિલ્લો છે. અને આ જિલ્લામાં સરકાર દ્વારા કેન્દ્રીય વિદ્યાલય ની સ્થાપના અને શરૂઆત શહેરની કે.કે.ગર્લ્સ સ્કુલ માં કરવામાં આવેલ હતી અને ત્યારબાદ આ શાળાનું નવીન બિલ્ડીંગ સરસ્વતી તાલુકામાં ચોરમાપુરા ખાતે નવીન બનાવવામાં આવેલ છે તેથી બાળકોને દરેક પ્રકારની સુવિધાઓ રહેવા તથા અભ્યાસ અને રમત ગમત સાથે બાળકો કુદરતી વાતાવરણ માં અને શાંત જગ્યાએ અભ્યાસ સાથે પોતાની દરેક શક્તિનો ઉજાસ સાથે વિકાસ થાય તે હેતુસર આ નવીન બિલ્ડીંગ અને શાળા બનાવવામાં આવેલ છે.

આ શાળાની શરૂઆત થી આજ દિન સુધી આ શાળા આ વિસ્તારમાં આવેલ એક અન્ય જગ્યાએ ભાડા ના મકાનમાં ભાડેથી ચલાવવામાં આવે છે.આ નવીન બિલ્ડીંગ પાછળ સરકારે આશરે 20 કરોડ જેટલી માતબર રકમનો ખર્ચ પણ કરેલ છે પરંતુ આ નવીન બિલ્ડિંગમાં બાળકોને પ્રવેશ આપવામાં આવેલ નથી અને આ બિલ્ડિંગના રસ્તા વચ્ચે એક પાણીની કેનાલ આવેલ છે અને તેના મકાનમાં પ્રવેશ આપવા માં આવેલ નથી કે શરૂઆત કરવામાં આવેલ નથી તેના કારણે સરકારને મોટી રકમ ભાડા પાછળ ખર્ચ કરવી પડે છે અને કોન્ટ્રાક્ટર દ્વારા રસ્તા વચ્ચે આવતા પાણીના નાળા ઉપર તથા કેનાલ ઉપર તાર ફેન્સીંગ પણ કરી આપવામાં આવેલ છે

તો આ શાળાના નવીન મકાનમા શાળા શરૂઆત કરવામાં આવે અને બાળકોનો અભ્યાસ તથા રમત ગમત સાથે દરેક સુવિધા આ મકાનમાં અભ્યાસની કામગીરી શરૂ થાય તેવી સૂચના આપવા લાગતા વળગતા તંત્રને તાત્કાલિક આ નવીન મકાનમાં શાળા શરૂ કરે તેવી કાયદેસરની કાર્યવાહી કરવામા આવે તેવી આ વિસ્તારની પ્રજા તથા શાળામાં અભ્યાસ કરતા બાળકોની વિનંતી સાથે રજૂઆત છે.આ બાબતે અંગત રસ લઈને આ શાળા નવીન મકાનમાં તાત્કાલિક શરૂ થાય તેવી ભલામણ કરવા માટે પાટણ જિલ્લા સમસ્યા મંચ (સુચિત) ના સંયોજક દ્વારા વડાપ્રધાન નરેન્દ્રભાઇ મોદી તેમજ મુખ્યમંત્રી ભુપેન્દ્રભાઈ પટેલ અને પાટણ લોકસભા ના સાંસદ ભરતસિંહ ડાભી તેમજ સિદ્ધપુર વિધાનસભાના ધારાસભ્ય અને ઉદ્યોગ મંત્રી રાજપુત તેમજ પાટણ વિધાન સભા ના ધારાસભ્ય કિરીટભાઈ પટેલ અને પાટણ જિલ્લા કલેકટરને લેખિત રજૂઆત કરવામાં આવી હોવાનું જાણવા મળ્યું છે.

અહેવાલ યશપાલ સ્વામી