પાટણ, બ.કાં., મહેસાણા અને સા.કા.જીલ્લામાં ઘર ફોડ ચોરી, વાહનચોરી ના બનાવોને અંજામ આપનાર ટોળકીને પાટણ એલસીબી ટીમે દબોચી..

ચોરીનાં મુદામાલ સાથે ચોરીમાં ઉપયોગ કરાયેલ સાધનો, વાહનો સાથે ટોળકીના 7 સાગરીતોને પકડી કાયદેસરની કાર્યવાહી હાથ ધરી.

પાટણ તા. ૧૯
પાટણ,બનાસકાંઠા, મહેસાણા અને સાબરકાંઠા જિલ્લામાં ઘરફોડ ચોરીઓ,વાહન ચોરીઓના અસંખ્ય બનાવોને અંજામ આપનાર તસ્કર ટોળકીને પાટણ એલસીબી ટીમે ઝડપી લઈ ચોરીના મુદ્દા માલ સાથે ચોરીમાં ઉપયોગમાં લેવાયેલ સાધનો અને વાહનો હસ્તગત કરી કાયદેસરની કાર્યવાહી હાથ ધરી હોવાનુ પોલીસ સૂત્રો તરફ થી જાણવા મળ્યું છે.

બનાવની પોલીસ સૂત્રો તરફથી મળતી હકીકત મુજબ પાટણ શહેરમાં અને જિલ્લા માં બનેલા ઘરફોડ ચોરી, વાહનચોરી ના વણશોધાયેલ ગુન્હાઓ શોધી કાઢવા જિલ્લા પોલીસવડા દ્વારા કરાયેલ સૂચના મુજબ પાટણ એલ.સી.બી. ટીમ દ્વારા જીલ્લાના ગ્રામ્ય વિસ્તારોમાં રાત્રી દરમ્યાન વાહન ચોરી કરી તે વાહન દ્વારા આસપાસના ગામડાઓમાં આવેલ દૂધ મંડળી તથા દુકાનો તથા ઘરોમાં ચોરીના બનાવો બનેલાં અને ચોરાયેલ વાહનો થોડા સમય બાદ બિનવારસી હાલતમાં મળેલા જે બનાવો બાબતે પાટણ જીલ્લાના હારીજ, સરસ્વતી, બાલીસણા તથા પાટણ સીટી બી ડીવી.પો.સ્ટે. ખાતે ફરિયાદો દાખલ થયેલ હોઇ જે તમામ મિલ્કત સંબંધી ગુન્હાઓ વણશોધાયેલા હોઇ જેથી આવા ગુનાઓ આચરતા ઇસમો ની ઓળખ કરી ગુન્હાઓ શોધી ચોરીમાં ગયેલ મુદ્દામાલ રિકવર કરવા ચક્રો ગતિશીલ કરી ઉપરોક્ત તમામ ગુન્હાવાળી જગ્યાઓની વિઝીટ કરી,

તમામ જગ્યાઓની આજુબાજુ ના સી.સી.ટી. વી. કેમેરાઓ ના ફુટેઝ મેળવી, ગુન્હા આચરવાની એમ.ઓ. નો અભ્યાસ કરી હ્યુમન સોર્સ તથા ટેકનીકલ વર્કઆઉટ કરતાં આર.કે.પટેલ ઇન્ચાર્જ પો.ઇન્સ. એલ.સી.બી. પાટણ નાઓને ચોક્કસ બાતમી હકીકત મળેલ કે ઉપરોક્ત ગુન્હાઓ આચરનાર ગેંગ પાટણ આજુ બાજુ ના કોઇ ગામને ટાર્ગેટ કરી ચોરી ને અંજામ આપવા રેકી કરવા આવેલ છે અને જે હકીકત આધારે આ ચોરીઓમાં સામેલ સાત ઇસમોને પાટણ ખોડાભા હોલ નજીક હાંસાપુર રોડ ખાતે એક વાદળી કલરના છકડા રિક્ષા નં GJ-09-AX-3928 સાથે પકડી તેમની પુછ પરછ સાથે અંગઝડતી કરતાં તેમની પાસેના વાહન, મોબાઇલ તથા રોકડ રકમ બાબતે કોઇ માલિકી ના પુરાવા ના હોઇ તે ચોરી કરી મેળવેલ હોવાનું પ્રસ્થાપિત થતાં તે તમામ મુદ્દામાલ સી.આર.પી.સી. કલમ ૧૦૨ મુજબ કબ્જે કરી તમામ ઇસમોને સી. આર. પી. સી. કલમ ૪૧(૧)ડી મુજબ અટક કરી એલ.સી.બી. ઓફીસ લાવી વધુ પુછપરછ કરતાં તેઓએ પાટણ, બનાસકાંઠા, મહેસાણા તથા સાબરકાંઠા જીલ્લાઓમાં ઘરફોડ ચોરી તથા વાહન ચોરીના ગુન્હાઓને અંજામ આપેલાનું

જણાવતા પોલીસે વિકાસ લક્ષ્મણભાઇ બજાણીયા ઉ.વ.૨૨ રહે. હિમતનગર, પાણપુર પાટીયા,છાપરા તા.હિમતનગર જી.સાબરકાંઠા,મેહુલ લક્ષ્મણ ભાઇ બજાણીયા ઉ.વ.૨૧ રહે. હિમતનગર, પાણપુર પાટીયા, છાપરા તા.હિમતનગર જી. સાબરકાંઠા, અનિલ ઉર્ફે અર્જુન લક્ષ્મણભાઇ બજાણીયા ઉ.વ.૨૬ રહે. હિમત નગર, પાણપુર પાટીયા, છાપરા તા.હિમતનગર જી.સાબરકાંઠા,જીતેશ ઉર્ફે જેઠો ઉર્ફે જીતુ બાબુભાઇ બજાણીયા ઉ.વ.૧૯ રહે. મેત, ધરોઇ મગરીયો વિસ્તાર તા.વડાલી જી.સાબરકાંઠા,રાકેશભાઇ અમરતભાઇ બજાણીયા ઉ.વ.૩૦ રહે-વિજાપુર નવા પાંજરાપોળનીબાજુમાં બજાણીયાવાસ તા.વિજાપુર, કરણ સરતાન ભાઇ પટણી(દંતાણી) ઉ.વ.૨૦ રહે- મહેસાણાસાઇબાબા મંદિર પાછળ પ્રદુષણનગર તા.જી.મહેસાણા અને કાયદા ના સંઘર્ષમાં આવેલ બાળકિશોર ને ઝડપી તેઓ પાસેથી

(૧) ચાંદી નો ઝુડો નંગ-૦૧ કિં.રૂ.૩૦૦૦/- (૨) ચાંદીની પગમાં પહેરવાની ઝાંઝર જોડ-૦૨ કિં.રૂ.૩૦૦૦/-
(૩) ચાંદીનું મંગળસૂત્ર નંગ-૦૧ કિં.રૂ.૧૦૦૦/-
(૪) ચાંદીના બ્રેસલેટ નંગ-૦૨ કિં.રૂ.૧૦૦૦/-
(૫) ચાંદી ના કડા નંગ-૦૨ કિં.રૂ.૩૦૦૦/-
(૬) ચાંદીની બુટ્ટી નંગ-૦૮ કિં.રૂ.૮૦૦/-
(૭) ચાંદીની વિંટી નંગ- ૦૧ કિ.રૂ.૧૦૦૦/-
(૮) રોકડ રકમ રૂ.૧૪૧૩૦/-
(૯) ભારતીય ચલણી સિક્કા રૂ.૫/- દર ના નંગ-૧૪૬ કિં.રૂ.૭૩૦/-
(૧૦) ચોરાયેલ વિક્રાંતા મોટરસાઇકલ કિ.રૂ.૫૦૦૦૦/-
(૧૧) મોબાઇલ નંગ ૦૮ કિ.રૂ. ૬૫,૦૦૦/-
(૧૨) અતુલ કંપની નો છકડૉ કિ.રૂ.૨,૦૦,૦૦૦/-
(૧૩) લોખંડની કોંસ કિ.રૂ.૨૦૦/-
(૧૪) મોટર સાયકલ ની માસ્ટર ચાવી નંગ-૦૧ કિં.રૂ.૦૦/- મળી કુલ
રૂ. ૩,૪૨,૮૬૦/-નો મુદ્દામાલ કબ્જે કરી આગળ ની કાયૅવાહી હાથ ધરી હોવાનું પોલીસ સુત્રોએ જણાવ્યું હતું.

અહેવાલ યશપાલ સ્વામી