ન્યાય નહીં મળે તો આગામી લોકસભાની ચૂંટણી નો બહિષ્કાર કરવાની ચિમકી ઉચ્ચારી..
પાટણ તા. 22
પાટણ જિલ્લાના સાંતલપુર તાલુકાના 18 ગામોના 750 જેટલા અગરિયાઓ પોતાના ન્યાય માટે ગુરૂવારે વન વિભાગની કચેરી ખાતે આમરણાત ઉપવાસ સાથે ન્યાયની માગણી પર બેસી ન્યાય નહી મળે તો આગામી લોકસભાની ચૂંટણીમાં મતદાન થી અળગા રહી મતદાનના બહિષ્કાર ની ચિમકી આપી હોવાનું જાણવા મળ્યું છે.આ બાબતે મળતી હકીકત મુજબ પાટણ જિલ્લાના સાતલપુરમા આવેલ રણની અંદર મીઠું પકવી પરિવાર નું જીવન નિવૉહ ચલાવી રહેલા 18 ગામોના 750 જેટલા અગરિયા પરિવારજનો ના 4000 થી વધુ લોકોને વનવિભાગ દ્રારા રણ મા પ્રવેશ પર પ્રતિબંધ લાદતા અગરીયા પરિવારો મુશ્કેલીમાં મુકાયા છે.
આ બાબતે અગરીયા હીત રક્ષક સમિતિ સહિત અગરીયા પરિવારો દ્રારા જિલ્લા કલેકટર સહિત વનવિભાગ અધિકારી અને ગુજરાત સરકાર સમક્ષ અનેક વખત લેખિત તેમજ મૌખિક રજુઆત કરવા છતાં આજદિન સુધી આ મામલે કોઈ પણ પ્રકારનું નિરાકરણ નહિ આવતાં આખરે પોતાની માગને સંતોષવા અગરીયા પરિવારો એ ગુરૂવારે ન્યાય માટે આડીસર વન વિભાગ ની કચેરી સામે આમરણાંત ઉપવાસ પર બેસી ન્યાય નહિ મળે તો આગામી લોકસભાની ચૂંટણીમાં મતદાન નહિ કરી મતદાન નો બહિષ્કાર નો નિણૅય કર્યો હોવાનું જાણવા મળ્યું છે તો આમરણાંત ઉપવાસ પર ઉતરેલા અગરિયાઓએ પોતાનો રોષ વ્યક્ત કરતાં જણાવ્યું હતું કે અમો અગરીયા ઓ પરંપરાગત સાતલપુર રણની અંદર 10 એકર જમીનની અંદર પોતપોતાનું મીઠું પકવી રોજીરોટી કમાતા હતા પરંતુ અમો અગરિયાઓનેવન વિભાગ દ્વારા રણમાં પ્રવેશ પર પ્રતિબંધ લાદી વનવિભાગ દ્રારા 20 થી વધારે બહારની કંપનીઓને મીઠું પકવવા માટે 100 એકર જેવી અલગ અલગ જમીનો આપી અમો અગરિયાઓને અન્યાય કરી રહ્યા હોવાના આક્ષેપ તેઓ દ્રારા કરી અમો અગરિયાઓને ન્યાય નહીં મળે ત્યાં સુધી આમરણાંત ઉપવાસ ચાલુ રાખવાની સાથે આવનારી લોકસભાની ચૂંટણીમાં મતદાન થી અળગા રહી મતદાન નો બહિષ્કાર કરાશે તેવું જણાવ્યું હતું.
અહેવાલ યશપાલ શ્યામી
