વરાણા ના મેળામાં ધંધાર્થે આવેલા પરિવાર સાથે અ સામાજિક તત્વોએ માથાકૂટ કરી તોડફોડ કરતા અફડા તફડી મચી..

ઘટના ની જાણ મેળાના બંદોબસ્ત મા રોકાયેલ પોલીસને થતાં દોડી આવી પરિસ્થિતિ પર કાબૂ મેળવી કાયૅવાહી હાથ ધરી..

પાટણ તા. ૨૫
પાટણ જિલ્લાના સમી તાલુકાના વરાણા ગામે યોજાઈ રહેલા વરાણાના શ્રી ખોડીયાર માતાજીના મહા મેળામાં ધંધાર્થે આવેલા પરિવાર સાથે શનિવારે કેટલાક અસામાજિક તત્વોએ કોઈ કારણોસર મારામારી કરી ચીજવસ્તુઓ ને ભારે નુકશાન પહોંચાડ્યું હોવાની ઘટના બનતા મેળામાં અફડાતફડીનો માહોલ સજૉતા પોલીસે ધટના સ્થળે દોડી આવી પરિસ્થિતિ પર કાબૂ મેળવી કાયદેસરની કાયૅવાહી હાથ ધરી હોવાનું જાણવા મળ્યું છે.

આ બનાવની મળતી માહિતી મુજબ હાલમાં સમી ના વરાણા ખાતે ખોડલ ધામ ના સાનિધ્યમાં લોકમેળો જામ્યો છે ત્યારે આ મહામેળા મા બહારગામથી ધંધાર્થે આવેલા જાદુગર ના સ્ટોલ વાળા સાથે કેટલાક અ સામાજિક તત્વોએ કોઈ કારણસર માથાકૂટ કરી ખુરશીઓની તોડફોડ સાથે સ્પીકરો પણ તોડી નાખી ભારે નુકશાન પહોચાડતા મેળો મહાલવા આવેલ લોકો મા અફડાતફડીનો માહોલ સર્જાયો હતો.

જોકે આ ઘટના ની જાણ મેળાના બંદોબસ્તમાં રોકાયેલા પોલીસ ને થતાં તેઓએ તાત્કાલિક ધટના સ્થળે દોડી આવી પરિસ્થિતિ પર કાબૂ મેળવી મેળામાં ધમાલ મચાવનારા અસામાજિક તત્વોને નસિયત કરવા કડક કાર્યવાહી હાથ ધરી હતી.

અહેવાલ યશપાલ સ્વામી