પાટણ તા. ૧૮
પાટણ જિલ્લા સેવા સદનના કોન્ફરન્સ હોલ ખાતે જિલ્લા પોલીસ વડા રવિન્દ્ર પટેલના અધ્યક્ષ સ્થાને જીલ્લા સંકલન સહ ફરીયાદ નિવારણ સમીતિની બેઠક યોજાઇ હતી. જેમાં વિવિધ મુદ્દાઓને લઇને વિસ્તૃત ચર્ચા કરવામાં આવી હતી.આ બેઠકમાં ધારાસભ્યો દ્વારા વિવિધ વિભાગોને પુછાયેલા પ્રશ્નોની સબંધિત વિભાગના અધિકારીઓ દ્વારા પાઠવેલ જવાબો સંદર્ભે ચર્ચા કરવામા આવી હતી.
જીલ્લા પોલીસ વડાએ ધારાસભ્ય દ્વારા મીટિંગમા ચર્ચવામા આવતા મુદ્દાઓ અને સમસ્યાઓ પરત્વે ધ્યાન આપી પ્રશ્નનો ત્વરિત ઉકેલ લાવવા માટે તમામ અધિકારીઓને સુચન કર્યું હતું.આ બેઠકમાં પંચાયત, પાણી પુરવઠા વિભાગ, સીટી સર્વે, નગરપાલિકા, આરોગ્ય વગેરેને સંલગ્ન પ્રશ્નોની ચર્ચા કરવામા આવી હતી. બેઠકમાં ધારાસભ્ય ડો. કિરીટભાઈ પટેલ, દિનેશજી ઠાકોર,નિવાસી અધિક કલેક્ટર પ્રદિપસિંહ રાઠોડ, સહિત સંકલન સમિતિના અધિકારીઓ ઉપસ્થિત રહ્યા હતા.
અહેવાલ યશપાલ સ્વામી
