પાટણ તા. ૨૫
હારીજ ગામ દરવાજા ઠાકર શેરી ખાતે સ્વ.ઠાકર રસિકભાઈ નાથાલાલ ની પ્રથમ પુણ્યતિથી નિમિત્તે તેઓના પરિવારજનો દ્વારા અમદાવાદના સંતવાણી ભજનીક કલાકાર જીતુભાઇ રાવલ અને તેમની ટીમ દ્વારા ભવ્ય સંતવાણી ભજન કીર્તન તેમજ હારીજ ની ઉભરતી બાળ ભજનીક કલાકાર કશીશ વિમલભાઈ રાવલ, તબલચી બાબુપુરી ગોસ્વામી વિગેરે કલાકારો એ સંતવાણી ભજન કીર્તન ની રમઝટ મચાવી હતી.
આ પ્રસંગે મોટી સંખ્યામાં ઉપસ્થીત શ્રોતાગણે ભક્તિરસ ભજનોનો લાભ લઈ મંત્રમુગ્ધ બન્યા હતા પ્રથમ વાર્ષિક પુણ્યતિથિ નિમિત્તે યોજાયેલા આ સંતવાણી કાર્યક્રમ માં વાઘેલ અંતરિયા હનુમાનજી મહંત શિવા નંદ ગીરી મહારાજ, રવદ હનુમાનજી મઢી મહંત સાથે વઢિયાર પંથકના પીઢ અને સેવાભાવી પત્રકાર જીતુ ભાઈ સાધુ સહિત સંત પ્રેમી અમદાવાદ ચાંદલોડિયા થી લાલભાઈ પટેલે ખાસ ઉપસ્થિત રહી આશીર્વાદ આપ્યા હતા.
પધારેલ સાધુ સંતો મહંતો અને મહેમાનો સહિતના મહાનુભાવો નુ ફૂલ પુષ્પ શાલ ઓઢાડી ઠાકર પરિવાર વતી ધવલ રસિક લાલ ઠાકર, જિગર રસિક લાલ ઠાકર વિગેરેએ ભાવ ભર્યું સ્વાગત સન્માન સાથે દાન દક્ષિણા અપૅણ કરી સ્વ. રસિકલાલ નાથાલાલ ની પ્રથમ વાર્ષીકપુણ્યતિથી નિમિત્તે શ્રધ્ધા સુમન સમપિર્ત કયૉ હતાં.
અહેવાલ યશપાલ સ્વામી
