પાટણની શેઠ બી.એમ.હાઈસ્કૂલ ખાતે સર્વાઇકલ કેન્સર અવરનેસ કાર્યક્રમ યોજાયો..

જિલ્લા શિક્ષણાધિકારી એ ખાસ ઉપસ્થિત રહી સર્વાઇકલ કેન્સર અવરનેશ કાર્યક્રમ ને સરાહનીય લેખાવ્યો..

પાટણ તા. ૨૫
પાટણની શેઠ બી.એમ.હાઇસ્કુલ ખાતે શનિવારે સર્વાઇકલ કેન્સર અવેરનેસ કાર્યક્રમ નું આયોજન રાષ્ટ્રીય શૈક્ષિક મહા સંઘના પ્રાંત મહિલા મંત્રી ડો હેમાંગીબેન પટેલ દ્વારા કરવામાં આવ્યું હતું. આ કાર્યક્રમમાં પાટણ જિલ્લા શિક્ષણ અધિકારી અશોકભાઈ ચૌધરી, ગાયનેક ડો. નૈસર્ગીબેન પટેલ ઉપસ્થિત રહ્યા હતા. શેઠ બી. એમ. હાઇસ્કુલ ના આચાર્ય રાજેશભાઈ પટેલ તથા સ્ટાફ મિત્રો દ્વારા મહેમાનોનું સ્વાગત કરવા માં આવ્યું હતું. ત્યારબાદ ડો. નૈસર્ગીબેન પટેલે ગભૉસય ના મુખના કેન્સર વિશેની તથા સ્ત્રીઓમાં થતા ગાયનેક પ્રોબ્લેમ ની સચોટ માહિતી સાથે માર્ગદર્શન પુરૂ પાડી તેના ઉપાયો વિશે સમજ આપી હતી.

પાટણ જિલ્લા શિક્ષણાધિકારી અશોકભાઈ ચૌધરીએ સર્વાઇકલ અવરનેશના આયોજિત સુંદર કાર્યક્રમ બદલ હેમાંગી બેન પટેલ તથા ડો. નૈસર્ગીબેન પટેલ ને અભિનંદન પાઠવીસમાજમાં લોકો સર્વાઇકલ કેન્સર થી જાગૃત બને તથા હેલ્થ કોન્સીયસ બની આ બાબતે જાગૃતિ કેળવે તેવી હિમાયત કરી સમાજમાં આવી જાગૃતિની ખૂબ જ તાતી જરૂરિયાત હોવાનું જણાવી સમાજમાં લોકોને જાગૃત કરવા માટે આવા અભિયાન ખૂબ જ સરાહનીય હોવાનું જણાવ્યું હતું. કાર્યક્રમમાં શાળાના આચાર્ય રાજેશભાઈ પટેલ તથા સ્ટાફ મિત્રોએ સહકાર આપી કાર્યક્રમ ને સફળ બનાવ્યો હતો.

અહેવાલ યશપાલ સ્વામી