અજીમણાના દેસાઈ પરિવારે સમરસતા ની ભાવના ને ઉજાગર કરવા પોતાના દીકરાના લગ્ન મા વાલ્મીકિ સમાજ ની દિકરીઓ તેડાવી..

લગ્નમાં આવેલ વાલ્મીકિ પરિવારની દિકરીઓ સાથે તેમના પતિઓને પણ ઓઢમણા કરી સનમાનવા મા આવ્યા…

પાટણ તા. ૨૬
ભારતીય સનાતન સંસ્કૃતિ માં ગામડાની સંરચના માં એક ગામ, એક કુવો, એક મંદિર અને એક સ્મશાન આ ભાવે ગામડાની રચના થતી હતી. આદી કાળથી હિંદુ સંસ્કૃતિમાં આ જ ભાવના સાથે ગામડાનું જીવન ધબકતું અને એટલે જ ભારતીય સંસ્કૃતીમાં ગામડાને સંસ્કૃતી દર્શન નો અરીસો માનવામાં આવતો . પરંતુ કેટલાક સમયથી આ સમાજ રચનામાં જાતિભેદ વધતો ગયો અને દરેક સમાજ આ કલ્પના ભૂલી મારું તારું નો ભાવ લઇ આગળ વધી રહ્યો છે ત્યારે પાટણ જીલ્લાના અજીમાણ ગામે સૌને આ રાહ અપાવી સામા જિક સમરસતા ના ભાગરૂપે દેસાઈ સમાજે ૧૦ વાલ્મીકી સમાજની દીકરીઓને કન્યાદાન કરી સમાજ ને નવો રાહ ચીંધ્યો હતો સાથે સાથે આજે દીકરાના લગ્નમાં પણ આ ધર્મની બહેનોને યાદ કરી ઓઢામણુ કર્યું હતું.

પાટણ થી ૧૦ કિમી દુર આવેલા અજીમાણ ગામે આજથી ૬ વર્ષ અગાઉ ગામના સદગૃહસ્થ દેસાઈ પરિવારે પોતાની દીકરી પીનલના લગ્ન ૧૦ જેટલી વાલ્મીકી સમાજની દીકરીઓની સાથે સમૂહ લગ્ન કરાવી નવી શરૂઆત કરાવી હતી, ગામ ની ખુલ્લી જગ્યામાં એક જ જેવો જમણવાર અને મંડપ ગોઠવી ગામની ૧૦ દીકરીઓને વિદાય આપી સમાજ ને નવો રાહ ચીંધ્યો હતો.

જેનો જમણવાર અને ભોજન નો સંપૂર્ણ ખર્ચ આ દેસાઈ પરિવારે ઉઠાવ્યો હતો ત્યારથી જ અજીમણા ગામ સામાજિક સમરસતા નું ઉદાહરણ રૂપ ગામ બન્યું છે .ત્યારે આજે ૬ વર્ષ બાદ આ દેસાઈ પરિવાર મા દીકરા ના લગ્ન પ્રસંગે પણ પોતાની દીકરી સાથે વાલ્મીકી સમાજની ધર્મની માનેલી બહેનોને પણ દેસાઈ પરિવારે લગ્નમાં આશીર્વાદ માટે બોલાવી તે પણ તેમના જમાઈઓ સાથે રીતિરિવાજ મુજબ દરેક દીકરીને સાડી તેમજ જમાઈઓને પણ કાપડ તેમજ રોકડ પુરસ્કારથી સન્માન્યા તેમજ સૌના આશીર્વાદ સાથે સમરસ ભોજન પણ લીધું.

ત્યારે અજીમણા ગામના આસદ ગૃહસ્થની ભાવના અને સમરસતા જાણી રાષ્ટ્રીય સ્વયં સેવક સંઘના કાર્યકર્તાઓ પણ આ લગ્નમાં સામેલ થઈ વાલ્મીકી સમાજના આગેવાનોને તેમજ અજીમણાના દેસાઈ પરિવાર ને સાલ ઓઢાડી સન્માન્યા હતા.

અહેવાલ યશપાલ સ્વામી