હારીજ – શંખેશ્વર પંથકની કેનાલોમાં જામેલી ગંદકી અને લીલને ઉલેચવાની તંત્ર દ્વારા કામગીરી હાથ ધરાઈ..

પાટણ તા. ૨૬
પાટણ જિલ્લાના હારીજ અને શંખેશ્વર પથકમાંથી પસાર થતી નર્મદાની માઇનોર કેનાલની સફાઈ કામ ગીરી છેલ્લા પાંચ દિવસથી તંત્ર દ્વારા હાથ ધરવામાં આવી હોવાનું જાણવા મળ્યું છે.પાટણ જિલ્લાના હારીજ અને શંખેશ્વર પંથક માંથી પસાર થતી નર્મદા વિભાગની માઇનોર કેનાલોમાં ગંદકી અને લીલ જામી જતા તેની સફાઈ કામગીરી અર્થે છેલ્લા પાંચ દિવસથી તંત્ર દ્વારા કામગીરી હાથ ધરવામાં આવી છે

જેને લઇને આ વિસ્તારની કેનાલમાં પાણી છોડવાનું બંધ કરાતા પંથકના ખેડૂતોને ઘઉંના પિયત માટે છેલ્લા પાણીની જરૂરિયાતને લઈને હાલાકી ભોગવી પડી રહી છે.જોકે કેનાલની સફાઈ કામગીરી પૂર્ણ થયેથી કેનાલમાં પાણીનો પ્રવાહ પુન: શરૂ કરવામાં આવનાર હોવાનું નર્મદા વિભાગ ની કચેરીમાં ફરજ બજાવતા અધિકારીઓએ જણાવ્યું હતું.

અહેવાલ યશપાલ સ્વામી