પાટણ લોકસભા બેઠકના 130 થી વધુ હોદેદારો અને દાવેદારો એ ભાજપની સેન્સ પ્રક્રિયા મા પોતાના સેન્સ રજૂ કયૉ…

જિલ્લા ભાજપ કાર્યાલય ખાતે ત્રણ નિરીક્ષકો ની ટીમ દ્વારા દાવેદારો ની સેન્સ પ્રક્રિયા શાંતિ પુણૅ સંપન્ન…

પાટણ તા. ૨૭
આગામી લોકસભાની ચૂંટણીઓની તારીખો ગમે ત્યારે જાહેર થાય તેવી શક્યતાઓ છે. ત્યારે ભાજપ દ્વારા પાટણ લોકસભા બેઠક માટે ઉમેદવાર નક્કી કરવા માટે ત્રણ નિરીક્ષકોની ટીમ મંગળવારે પાટણ જિલ્લા ભાજપ કાર્યાલય ખાતે આવી પહોંચી હતી. “સેન્સ” પ્રક્રિયામાં ભાગ લેનાર મોટા ભાગના હોદ્દેદારોએ પાટણ બેઠક ઉપર સ્થાનિક અને નવા ઉમેદવારને મૂકવા માટેની લાગણી-માંગણી સાથે પોતાના અભિ પ્રાય આપ્યા હોવાનું જાણવા મળ્યું છે.

આગામી લોકસભાની ચૂંટણીમા ભાજપા દ્વારા ગુજરાતની તમામ 26 બેઠકો કબજે કરવા માટે તડા માર તૈયારીઓ શરૂ કરી દેવામાં આવી છે. ગુજરાતની 26 બેઠકો ઉપર લોકસભાના ઉમેદવાર નક્કી કરવા માટે દરેક શહેરોમાં હોદેદારો અને દાવેદારોની “સેન્સ” લેવાની પ્રક્રિયા શરૂ કરી દેવામાં આવી છે.

પાટણ ખાતે મંગળવારે ત્રણ નિરીક્ષકો મા પૂર્વ ધારાસભ્ય વલ્લભભાઈ કાકડીયા, પ્રદેશ મંત્રી રઘુભાઈ દુબંલ અને પૂર્વ ધારાસભ્ય અને પ્રદેશ ભાજપ મહિલા મોરચા મહામંત્રી સીમા મોહીલે ની ટીમ આવી પહોંચી હતી.

ભાજપા કાર્યાલય ખાતે હોદ્દેદારો,દાવેદારો એ પોતાના”સેન્સ” રજૂ કયૉ હતાં. પાટણ બેઠક માટે મોટાભાગે સ્થાનિક ઉમેદવાર ને લોકસભાની ટીકીટ મળે તે માટે હોદેદારો એ પોતાના સેન્સ રજૂ કયૉ હોવાનું જાણવા મળ્યું છે. નિરિક્ષકોની ટીમે પહેલાં સંગઠનના હોદ્દેદારો અને ત્યાર બાદ ચૂંટાયેલા હોદ્દેદારો અને ત્યારબાદ દાવેદારો ના સેન્સ લેવામાં આવ્યા હતા.મળેલી માહિતી પ્રમાણે પાટણ લોકસભા બેઠકના મોટા ભાગના હોદ્દેદારઓએ નિરીક્ષક ટીમને પોતાનો અભિપ્રાય આપતા જણાવ્યું હતું કે,

આજદિન સુધી પાટણ લોક સભા ની બેઠક પર સ્થાનિક ઉમેદવાર ને ટીકીટ આપવામાં આવી નથી જેને કારણે સ્થાનિક કાયૅકતૉઓ અને આગેવાનો પણ આગામી લોકસભાની ચૂંટણીમાં સ્થાનિક ઉમેદવાર ને ટીકીટ આપવા માં આવે તેવી રજૂઆત કરી હોવાનું જાણવા મળ્યુ છે.સવારે 10 વાગે શરૂ થયેલી “સેન્સ” પ્રક્રિયા બપોરે 1-00 વાગ્યે શાંતિ પૂણૅ માહોલ મા સંપન્ન બની હતી.

ભારતીય જનતા પાર્ટીની પાટણ લોકસભા બેઠકની સેન્સ પ્રક્રિયા દરમિયાન 15 થી વધુ દાવેદારોએ પોતા ના બાયોડેટા નિરીક્ષકો સમક્ષ રજૂ કર્યા હતા તો 120 થી વધુ હોદ્દેદારોએ પોતાના મંતવ્યો નિરિક્ષકો સમક્ષ રજૂ કયૉ હોવાનું ભાજપ કાર્યાલય ના સૂત્રોએ જણાવ્યું હતું.પાટણ લોકસભા બેઠક માટે નિરીક્ષકો ને મળેલા મંતવ્યો અને દાવેદારોના બાયોડેટા પ્રદેશ કક્ષાએ રજૂ કરાશે અને ત્યારબાદ લોકસભા બેઠકના ઉમેદવારની જાહેરાત કરવામાં આવનાર હોવાનું નિરીક્ષકોએ જણાવ્યું હતું.

પાટણ લોકસભાની ટીકીટ માટે દાવેદારી નોંધાવનાર દાવેદારોમાં પાટણ સાંસદ ભરત ડાભી, જિલ્લા ભાજપ પ્રમુખ ડો. દશરથજી ઠાકોર , વિનયસિંહ ઠાકોર, નંદાજી ઠાકોર, દિલીપજી ઠાકોર , સોનલબેન દિલીપજી ઠાકોર , પુષ્પાબેન ઠાકોર, રમીલાબેન ચૌધરી, ભારતસિંહ ભટેસરિયા, નટુજી ઠાકોર, ડો.વ્યોમેશ શાહ સહિત નાઓએ પોતાના બાયોડેટા સાથે સેન્સ રજૂ કયૉ હોવાનું જાણવા મળ્યું છે.પાટણના પૂર્વ સાંસદ અને આગામી લોકસભાની ચૂંટણી માટે દાવેદારી નોંધાવનાર ભરતસિંહ ડાભીએ મીડિયા સમક્ષ જણાવ્યું હતું કે પાર્ટી દ્વારા ટિકિટ આપવામાં આવશે તો સાત લાખથી વધુ મતથી જીતવાનો આસાવાદ તેઓએ વક્ત કર્યો હતો જ્યારે મહિલા દાવેદાર સોનલબેન ઠાકોર અને પુષ્પાબેન ઠાકોરે પણ ભારતીય જનતા પાર્ટી દ્વારા મહિલાઓને અપાતા પ્રાધાન્યને ધ્યાનમાં રાખીને પાર્ટી દ્વારા જો ટિકિટ આપવામાં આવે તેવી આશા વ્યક્ત કરી હતી.

તો પાટણના જાણીતા ગાયનેક ડો.વ્યોમેશ શાહે પણ પોતાની દાવેદારી નોંધાવ્યા બાદ મીડિયા ને જણાવ્યું હતું કે જ્યારથી સમજણો થયો ત્યારથી ભારતીય જનતા પાર્ટી સાથે જોડાયેલો છું લોક સેવાના અનેક કાર્યો કર્યા છે ત્યારે પરિવારની જવાબદારી માથી મુક્ત થયો હોઉ વડાપ્રધાન નરેન્દ્ર મોદીના દેશ સેવાના કાયૅમાં સહભાગી બનવા ટીકીટ ની માગણી કરી હોવાનું જણાવ્યું હતું.પાટણ જિલ્લા ભાજપ કાર્યાલય ખાતે આગામી લોકસભાની ચૂંટણીને લઈને સેન્સ પ્રક્રિયા ની કામગીરી માટે આવેલ નિરિક્ષકો સમક્ષ રાજ્યસભાના પૂર્વ સાંસદ દિલીપભાઈ પંડ્યા એ ભારતીય જનતા પાર્ટી દ્વારા પાટણ લોકસભા બેઠક પર કોઈપણ કાર્યકર્તા ની ટિકિટ આપવામાં આવશે તે જંગી લીડ થી વિજેતા બનશે તેવી હૈયા ધારણા વ્યકત કરી હતી.

પાટણ જિલ્લા ભાજપ કાર્યાલય ખાતે ચાલી રહેલી સેન્સ પ્રક્રિયા દરમિયાન ભાજપ ના કેટલાક આગેવાનો મા સાંભળવા મળ્યું હતું કે જે દાવેદારો ના સેન્સ લેવામાં આવે છે તે દાવે દારો પૈકી ના ઉમેદવાર ને પાર્ટી ટિકિટ આપે છે કે કોઈ નવો ચહેરો પાટણ લોકસભા બેઠક પર ઉતારવામાં આવશે તેવી ચર્ચાઓ પણ સાંભળવા મળી હતી.

અહેવાલ યશપાલ સ્વામી