યુનિવર્સિટી ખાતે ગુજરાત ગેઝેટ અને તેનું મહત્વ વિઝન ૨૦૪૭ પર રાજય સ્તરીય પરિસંવાદ યોજાયો…

પાટણ તા. ૪
પાટણ સ્થિત હેમચંદ્રચાર્ય ઉત્તર ગુજરાત યુનવર્સિટીના પંડિત દીનદયાળ કનવેંશન હોલ ખાતે સોમવારે આર્કિટેક વિભાગ અને હેમચંદ્રાચાર્ય ઉત્તર ગુજરાત યુનિવર્સીટી દ્વારા ગુજરાત ગેઝેટ અને તેનું મહત્ત્વ વિઝન ૨૦૪૭ પર રાજ્ય સ્તરીય પરિસંવાદનું આયોજન કરવામાં આવેલ હતું. કાર્યક્રમના અધ્યક્ષ હેમચંદ્ર ચાર્ય ઉત્તર ગુજરાત યુનવર્સિટીના કા. કુલપતિ રોહિતભાઈ દેસાઈ એ ગુજરાત સરકાર દ્વારા પાટણ જિલ્લા અને અરવલ્લી જિલ્લાને ગેઝેટ અંગેની કામગીરી સોપવામાં આવી હતી. જેમાં 18 પ્રકરણોનો સમાવેશ કરવામાં આવ્યો હતો.જેમાં આ બંને જિલ્લાઓની ભૌગોલિક, સંસ્કૃતિ, વ્યવસ્થાઓને લગતી ભૂતકાળ તેમજ વર્તમાનની સ્થિતિઓનો સમાવેશ કરવામાં આવેલો છે.

આ પ્રકરણોને તૈયાર કરનાર પાટણ અને અરવલ્લી જિલ્લાના વિવિધ કોલેજોના અધ્યાપકો તેમજ નોડલ ઓફિસર તરીકે પ્રો. મીરાબેન ચતવાણી તથા યુનિર્વિસટીના સ્પોર્ટ્સ અને સંસ્કૃતિક વિભાગના વડા ડૉ. ચિરાગભાઈ પટેલ તેમજ સહ સંયોજકોને આ કાર્યક્રમ થકી સર્ટિફિકેટ આપી સન્માન આપવામાં આવ્યું હતું.

ગેજેટની રચનાના મહત્વને સમજાવતા તેઓએ જણાવ્યું કે પાટણ તેમજ અરવલ્લી જિલ્લાના નિર્માણ પછીનું પહેલું ગેઝેટ અમલમાં આવ્યું જેમાં આ ગેઝેટની રચના કરવામાં આવી તેનું સવિશેષ મહત્વ એ છે કે! ગેઝેટ થકી પાટણ અને અરવલ્લી જિલ્લાઓના ગ્રામ્ય જીવન, સાંસ્કૃતિક વારસો તેમજ કાયદાના સંદર્ભ માં ભૂતકાળની સ્થિતિ અને વર્તમાનમાં સ્થિતિઓમાં આવતા બધા જ પાસાઓને આવરી લેવામાં આવ્યા છે.તેમજ પાટણ જિલ્લાના ગેઝેટ સહ સંપાદક પ્રો. રોહિત દેસાઈ એ જણાવ્યું કે આ ગેઝેટ થકી જિલ્લાઓ ને લાભ થશે જ તેની સાથે સાથે વિદ્યાર્થીઓ તેમના સંશોધન કાર્યમાં પાટણ અને અરવલ્લી જિલ્લાના વર્તમાનમાં વાહનવ્યવહાર, રોડ, પર્યટનને લગતી માહિતી તેમજ કાયદાકીય બાબતો તથા ભૂતકાળમાં તેની સ્થિતિ કેવી હતી તે જાણી શકે છે તથા વિદેશી મુસાફરો, નવા કલેકટર તેમજ વહીવટદારોએ જિલ્લાને જાણી શકે.

અરવલ્લી જિલ્લાના ગેઝેટ સહ સંપાદક બિપીનભાઈ પટેલે જેમને ગેઝેટ તૈયાર કરવામાં ભાગ લીધો તેમને બધા ને ” Lighting Lamp Of Gazzette” તરીકે બિરદાવ્યા હતાં.આ કાર્યક્રમમાં હેમચંદ્રચાર્ય ઉત્તરગુજરાત યુનવર્સિટીના કા. કુલપતિ ડો.રોહિતભાઈ દેસાઈ, નોડલ અફિસર તરીકે પ્રો. મીરાબેન ચતવાણી, પાટણ જિલ્લા ના ગેઝેટ સહ સંપાદક પ્રો. રોહિત દેસાઈ, યુનિર્વિસટીના સ્પોર્ટ્સ અને સંસ્કૃતિક વિભાગના વડા ડૉ.ચિરાગભાઈ પટેલ, અરવલ્લી જિલ્લાના ગેઝેટ સહ સંપાદક બિપીનભાઈ તેમજ આ ગેઝેટની કામગીરી માં ભાગ આપનાર બધા લોકો આ કાર્યક્રમમાં ઉપસ્થિત રહ્યા હતા.

અહેવાલ યશપાલ સ્વામી