વર્ષ ૨૦૨૩-૨૪ જિલ્લાની શ્રેષ્ઠ શાળાનો એવોર્ડ મેળવતી પાટણની જ્ઞાનમંદિર ઉ.મા.શાળા..

પાટણ જિલ્લા શિક્ષણ અધિકારી એ શાળા સંકુલ ખાતે ઉપસ્થિત રહી શ્રેષ્ઠ શાળા નો એવોર્ડ એનાયત કર્યો…

પાટણ તા. ૧૪
પાટણ ના પદ્મનાભ ચાર રસ્તા નજીક આવેલ સિધ્ધિ વિનાયક એજયુ કેશન ટ્રસ્ટ સંચાલિત, જ્ઞાન મંદિર ઉચ્ચતર માધ્યમિક શાળા,પાટણને વષૅ ૨૦૨૩-૨૪ ની શ્રેષ્ઠ શાળા નો ગૌરવપ્રદાન એવોર્ડ એનાયત કરવામાં આવ્યો છે. તા.૧૪ માચૅ ને ગુરુવારના રોજ જ્ઞાનમંદિર ઉચ્ચતર માધ્યમિક શાળા, પાટણને પાટણ જિલ્લા ના શિક્ષણાધિકારી અશોકભાઈ એન. ચૌધરીના હસ્તે વર્ષ ૨૦૨૩-૨૪ માટે પાટણ જિલ્લાની શ્રેષ્ઠ શાળાનો એવોર્ડ એનાયત કરવાનો કાયૅક્રમ શાળા સંકુલ ખાતે યોજવામાં આવ્યો હતો. પાટણની સિધ્ધી વિનાયક ચેરીટેબલ ટ્રસ્ટ સંચાલિત જ્ઞાનમંદિર ઉચ્ચતર અને માધ્યમિક શાળાને વર્ષ ૨૦૨૩-૨૪ નો જિલ્લાની શ્રેષ્ઠ શાળા નો એવોર્ડ પ્રાપ્ત થતા ટ્રસ્ટી મંડળ અને શાળા પરિવાર સહિત શાળામાં અભ્યાસ કરતાં વિધાર્થીઓ અને તેમના વાલીઓએ ખૂબજ ગૌરવની લાગણી અનુભવી હતી.

જિલ્લા ની શ્રેષ્ઠ શાળા માટે જિલ્લા શિક્ષણ અધિકારીની ઉપસ્થિતિમાં આયોજિત એવોર્ડ કાર્યક્રમમાં શાળાના ટ્રસ્ટી શાંતિ ભાઈ સ્વામી, વિજયભાઈ પટેલ, હાર્દિકભાઈ રાવલ, શાળાના આચાર્ય નિમેષભાઈ ત્રિવેદી અને શાળા ના શિક્ષકમિત્રોએ પણ ઉત્સાહભેર ઉપસ્થિત રહી આ એવોર્ડ કાર્યક્રમને યાદગાર બનાવ્યો હતો. જ્ઞાન મંદિર ઉચ્ચતર માધ્યમિક શાળાની આ વિશિષ્ટ સિધ્ધિ બદલ સમસ્ત ટ્રસ્ટી મંડળ, શાળાના આચાર્ય,સ્ટાફમિત્રો, વિદ્યાર્થીઓ સહિત શાળાના ભૂતપૂર્વ વિદ્યાર્થીઓએ ખૂબજ હર્ષ અને ગૌરવની લાગણી અનુભવી છે.

અહેવાલ યશપાલ સ્વામી