શ્રી પદ્મનાભ વાડી પરિસરમાં શ્રી ચામુંડા માતાજી મંદિર સમિપ નવનિર્માણ પામનાર શ્રી ચામુંડા માતાજી ભવન નું ખાતમુહુર્ત કરાયું..

પાટણ તા. ૨૮
પાટણ પ્રજાપતિ સમાજના ઇષ્ટદેવ ભગવાન શ્રી પદ્મનાથજીના વાડી પરિસરમાં આવેલ શ્રી ચામુંડા માતાજીના મંદિર પરિસરની બાજુની ખુલ્લી જગ્યામાં શ્રી ચામુંડા માતાજી સેવક મંડળ પરિવાર દ્વારા નિમૉણ પામનાર શ્રી ચામુંડા માતાજી ભવન નું ફાગણ વદ ત્રીજ ને ગુરૂવારના પવિત્ર દિવસે શાસ્ત્રોકત મંત્રોચ્ચાર વચ્ચે ખાત મુહુર્ત નો ધાર્મિક પ્રસંગ ભક્તિ સભર માહોલ મા આયોજિત કરવામાં આવ્યો હતો.

શ્રી ચામુંડા માતાજી સેવક મંડળ પરિવાર દ્વારા માતાજીના અવાર નવાર ઉજવાતા ધામિર્ક ઉત્સવો દરમ્યાન દશૅન-પ્રસાદ માટે આવતાં માઈભક્તો ને સુવિધાઓ ઉપલબ્ધ બની રહે તેવા શુભ ઉદેશ થી નિમૉણ કરવામાં આવનાર શ્રી ચામુંડા માતાજી ભવન ના ખાતમુહુર્ત પ્રસંગે શ્રી ચામુંડા માતાજી સેવક મંડળ ના સેવાભાવી આગેવાનો ધવલભાઈ ઓતિયા, રમેશભાઈ ઓતિયા, વિષ્ણુભાઈ પ્રજાપતિ, દિનેશ ભાઈ પ્રજાપતિ, અરવિંદભાઈ પ્રજાપતિ, લક્ષ્મણભાઈ પ્રજાપતિ, હસમુખભાઇ પ્રજાપતિ સહિત મંડળ ના સેવાભાવી કાર્યકરોએ ઉપસ્થિત રહી આ ધામિર્ક વિધિ સંપન્ન કરાવી હતી.

શ્રી ચામુંડા માતાજી મંદિર સાનિધ્યમાં આકાર પામનાર આ ભવન નિર્માણ ના શુભ કાયૅ મા શ્રી ચામુંડા માતાજી સેવક મંડળ પરિવાર દ્વારા તન, મન અને ધનથી સહયોગ પુરો પાડનાર તમામ દાતા પરિવારનો શ્રી ચામુંડા માતાજી સેવક મંડળ દ્વારા આ તબકકે આભાર વ્યક્ત કરવામાં આવ્યો હતો.

અહેવાલ યશપાલ સ્વામી