પાટણ યુનિવર્સિટી ના એડમિશન સેલ દ્વારા ગુજરાત કોમન એડમિશન સર્વિસ તાલીમ કાર્યક્રમ યોજાયો.

યુનિવર્સિટી ના 600 થી વધુ કોલેજો માથી પ્રિન્સિપાલ, પ્રોફેસર અને કલાકૅ ઉપસ્થિત રહ્યા..

પાટણ તા. ૩૧
પાટણ હેમચંદ્રાચાર્ય ઉત્તર ગુજરાત યુનિવર્સિટીના એડમિશન સેલ દ્વારા યુનિવર્સિટીના કન્વેન્શન હોલમાં ગુજરાત કોમન એડમિશન સર્વિસ સંદર્ભે તાલીમ કાર્યક્રમનું યુનિવર્સિટના કાર્યકારી કુલપતિ ડૉ.રોહિત ભાઈ એન. દેસાઈના અધ્યક્ષ સ્થાને આયોજન કરવામાં આવ્યું હતું. સદર કાર્યક્રમમાં સ્ટેટ નોડલ ઓફિસર (GCAS) ડૉ.શૈલેષભાઈ ભાવસાર એ કાર્યક્રમ અંગે પ્રાસંગિક અને તકનીકી માર્ગદર્શન અને ઉદબોધન આપ્યું હતું.જયારે ઉર્વીનભાઈ શાહ અને ઋત્વિક ભાઈ પંચાલે ( GCAS ) પોર્ટલના સંદર્ભમાં પોર્ટલ કેવી રીતે કામ કરશે તેની વિગતે ચર્ચા કરી હતી..

ડૉ.પી એસ પટેલ પ્રિન્સિ પાલ સરકારી આર્ટસ અને કોમર્સ કોલેજ સમી એ પણ કાર્યક્રમમાં ઉપસ્થિત રહી પ્રાસંગિક ઉદબોધન રજૂ કયુઁ હતું. તેઓ પોતે યુનિવર્સિટીના લાયઝનિંગ ઓફિસર (GCAS )તરીકે કાર્યરત છે . કાર્યકારી કુલ સચિવ ડૉ.કમલભાઈ મોઢ એ પ્રાસંગિક વાત કરી સૌને કાર્યક્રમથી અવગત કર્યા હતા. પ્રસ્તુત કાર્યક્રમ અંતર્ગત સમગ્ર યુનિવર્સિટી ની પ્રવેશ પ્રક્રિયા(GCAS) પોર્ટલ અંતર્ગત સુચારું રીતે થાય તે માટે યુનિવ ર્સિટી દ્વારા ડૉ. ધર્મેન્દ્રભાઈ ઠાકરની નોડલ ઓફિસર તરીકે નિમણૂક કરવામાં આવી હોય જેમણે કાર્યક્રમની શરૂઆતમાં આમંત્રિત મહેમાનો નું શાબ્દિક ઉદબોધન કર્યું ઉપરાંત કાર્યક્રમનો ખ્યાલ રજૂ કર્યો યુનિવર્સિટીના કાર્યકારી કુલપતિ એ પ્રાસંગિક ઉદબોધન કરી (GCAS) પોર્ટલ યુનિવર્સિટી સંલગ્ન તમામ કોલેજો માટે ખૂબ જ અગત્યનું છે તેની સમજ તમામ સ્તરે થાય તે આવશ્યક છે જેની વિસ્તૃત ચર્ચા કરી હતી. પ્રથમ સત્રમાં સ્ટેટ નોડલ ઓફિસર શૈલેષભાઈ ભાવસારે (GCAS) પોર્ટલની પ્રવેશ માટેની પહેલ સમગ્ર ભારતમાં ગુજરાત દ્વારા થઈ રહી છે તેમાં 2500 કે તેથી વધુ કોલેજો પ્રવેશ સાથે જોડાશે જેમાં ચારથી પાંચ લાખ કરતાં વધુ વિદ્યાર્થીઓ પ્રવેશ માટે જોડાવવાના છે ત્યારે આવા અગત્યના કાર્યમાં સૌ પ્રિન્સિપાલ અને સહયોગી સ્ટાફ પુરી પ્રતિ બદ્ધતાથી ભાગીદાર થાય તે અતિ આવશ્યક છે.

ઉપરાંત સમગ્ર ગુજરાતમાં 550 થી વધુ હેલ્પ સેન્ટરો એ વિદ્યાર્થી પ્રવેશ માટે કાર્યરત રહેવાના છે સમગ્ર કામગીરી વેકેશન દરમિયાન ચાલવાની છે તેથી સમગ્ર સેન્ટરના કર્મચારી કાર્યરત રહી વિદ્યાર્થીઓને યોગ્ય મદદ અને સહકાર આપે તે અપેક્ષિત છે તેવી ભાર પૂર્વક રજૂઆત કરવામાં આવી હતી. દ્વિતીય સત્રમાં ઉર્વીનભાઈ શાહ અને ઋત્વિક ભાઈ પંચાલ દ્વારા ટેકનિકલ માર્ગદર્શન પૂરું પાડવામાં આવ્યું જેમાં (GCAS) પોર્ટલ કેવી રીતે કાર્ય કરશે, વિદ્યાર્થી તેની સાથે કેવી રીતે જોડાશે? હેલ્થ સેન્ટરોની ભૂમિકા શું રહેશે? તેમ જ એડમિશન મેળવનાર કોલેજની શું ભૂમિકા રહેશે તેની વિગતે ચર્ચા કરી. આ પોર્ટલ ખાસ કરીને વિદ્યાર્થીઓના રજીસ્ટ્રેશન ની કામગીરી કરશે અને આ પોર્ટલ માં રજીસ્ટ્રેશન કરીને વિધાર્થીઓને કોલેજમાં પ્રવેશ ફાળવવામાં આવશે માટે (GCAS) માં રજીસ્ટ્રેશન એ આવશ્યક છે તેની છણાવટ કરી હતી. પ્રસ્તુત પ્રવેશ કામગીરીથી ગુજરાતનો કોઈપણ વિદ્યાર્થી કોઈપણ યુનિવર્સિટીની કોલેજમાં ઓનલાઈન પ્રક્રિયાથી ઘેર બેઠા કોઈપણ યુનિવર્સિટી કોલેજ માં પ્રવેશ માટે અરજી કરી શકશે અને સરળતાથી પ્રવેશ મેળવી શકશે.અન્ય યુનિવર્સિટીઓના કોર્સ થી વાકેફ થશે અને સરળતાથી પ્રવેશ મેળવી શકશે. વિદ્યાર્થીઓનો સમય અને શક્તિનો વ્યય થતો અટકશે.

યુનિવર્સિટી સ્તરે (GCAS)નું કાર્ય સરળ બને તે માટે યુનિવર્સિટી ના નોડલ ઓફિસર સાથે સાથે અલગ અલગ આર્ટસ, કોમર્સ અને અન્ય વિભાગો માટે કોઓર્ડીનેટર ની નિમણૂક કરવામાં આવી હતી. જે પૈકી કોમર્સ વિભાગના ડો અશ્વિન મોદી, કમ્પ્યુટર વિભાગના ડૉ. ભાવેશભાઈ પટેલ, શારીરિક શિક્ષણ વિભાગ ના ડૉ. વિપુલભાઈ ઉપાધ્યાય, આર્ટસ વિભાગના ડૉ. વૈશાલીબેન પટેલ બીઆરએસ, એમ એસ ડબલ્યુ અને હોમ સાયન્સ માટે ડૉ.રોશન વી. અગ્રવાલ અને સાયન્સ ફેકલ્ટી માટે ડૉ. ચિરાગ બરાસરા ને જવાબ દારી સોંપવામાં આવી હતી.આ કાર્યક્રમ માં તમામ કોઓર્ડીનેટર ઉપસ્થિત રહી માર્ગદર્શન મેળવ્યું અને કાર્યક્રમને વધુ અસરકારક બનાવવા પ્રયત્નશીલ રહેલ.સમગ્ર કાર્યક્રમમાં યુનિવર્સિટીના 600 કે તેથી વધુ કોલેજો માંથી પ્રિન્સિપાલ, પ્રોફેસર અને ક્લાર્ક ઉપસ્થિત રહયા હતા. અંત માં જરૂરી તકનીકી સવાલોની પ્રશ્નોત્તરી કરી માર્ગદર્શન મેળવી કાર્યક્રમનું સમાપન કરવામાં આવ્યું હતું.

અહેવાલ યશપાલ સ્વામી