શ્રી પાટણ મોઢ ઘાંચી મોદી જ્ઞાતિ સમાજ દ્વારા પરંપરા અનુસાર ચૈત્રી માસ નિમિત્તે બહુચરાજી સ્થિત ચૈત્રી સંઘ નું આયોજન કરાયું..

સંઘપતિ શ્રી રાજકાવાડા જિલ્લા મોઢ મોદી જ્ઞાતિ સમાજ અને મુખ્ય સંઘપતિ પદે સ્વ. પ્રેમીલાબેન ઈશ્વરલાલ પૂનમચંદ બાડીવાળા પરિવારે લ્હાવો લીધો..

પાટણ તા. ૧૬
પાટણ શહેરમાંથી ચૈત્રી માસમાં વર્ષોની પરંપરા અનુસાર શ્રી પાટણ મોઢ ઘાંચી મોદી જ્ઞાતિ સમાજ દ્વારા બહુચરાજી ખાતે ચૈત્રી સંઘનું ભવ્યાતિ ભવ્ય અને ભક્તિ સભર માહોલ માં આયોજન કરવામાં આવતું હોય છે. ચાલુ સાલે પણ પવિત્ર ચૈત્ર માસ નિમિત્તે ચૈત્ર સુદ 11 ને શુક્રવારને તારીખ 19 એપ્રિલના રોજ પાટણ શહેર ના શ્રી પાટણ મોઢ ઘાંચી મોદી જ્ઞાતિ સમાજ દ્વારા બહુચરાજી ખાતેના ચૈત્રી સંઘ નું સંઘપતિ શ્રી રાજકાવાડા જિલ્લા મોઢ મોદી જ્ઞાતિ સમાજ ના નેજા હેઠળ મુખ્ય સંઘવી સ્વર્ગસ્થ પ્રેમીલાબેન ઈશ્વરલાલ પુનમચંદ બાંડીવાળા પરિવાર ના હરેશકુમાર ઈશ્વરલાલ મોદી અને અખંડ સૌભાગ્યવતી દીપિકા બેન હરેશ ભાઈ મોદી પરિવારના નિવાસ સ્થાન પરથી ભકિત સંગીત ના સુરો વચ્ચે ચીલો પુજન કરી સંધ પ્રસ્થાન પામશે.

ચૈત્રી નવરાત્રીમાં બહુચરાજી ખાતેના મોદી ભુવન ખાતે તારીખ 22 એપ્રિલના રોજ હવન યજ્ઞ ધ્વજા પૂજન, તારીખ 23 એપ્રિલના રોજ શંખલપુર મુકામે બહુચર માતાજીના મંદિરે ધજા પૂજન સાથે બહુચરાજી મંદિર પરિસર ખાતે પણ ધજા પૂજન કરવામાં આવશે. જ્યારે તારીખ 24 એપ્રિલના રોજ હવન અને ધજા પૂજન શ્રી મોઢેશ્વરી માતાજી મંદિર મોઢેરા ખાતે કરાશે. તો તારીખ 25 મી એપ્રિલના રોજ પાટણ સ્થિત સિદ્ધિ સરોવર સમીપ આવેલા શ્રી બહુચર માતાજીના મંદિર પરિસર ખાતે હવન અને પાદશાહ પર્વની પણ ઉજવણી કરવામાં આવશે.

શ્રી પાટણ મોઢ ઘાંચી મોદી જ્ઞાતિ સમાજ પાટણ દ્વારા દર વર્ષની જેમ ચાલુ વર્ષે પણ ચૈત્ર માસમાં આયોજિત કરાયેલા આ ધાર્મિક પ્રસંગને સફળ બનાવવા જ્ઞાતિ સમાજના આગેવાનો સહિત સેવાભાવી યુવાનો અને સમસ્ત સમાજના પરિવારજનો દ્વારા સુંદર તૈયારીઓ સાથે આયોજન કરવામાં આવ્યું છે.

અહેવાલ યશપાલ શ્યામી