પાટણ તા. ૧૬
પાટણ પ્રજાપતિ સમાજ
ના ઇષ્ટદેવ ભગવાન શ્રી પદ્મનાભજીની વાડી પરિસર ખાતે આવેલા શ્રી ગોપેશ્વર મહાદેવ મંદિર પરિસરનો પુનઃ જીર્ણોદ્ધાર કરવામાં આવનાર છે. ત્યારે તારીખ 19 મી એપ્રિલના રોજ દાતા પરિવારના હસ્તે શ્રી ગોપેશ્વર મહાદેવ મંદિરના ખાતમુહૂર્ત અને ઈંટ મૂકવાના પવિત્ર પ્રસંગ ને સફળ બનાવવા શ્રી ગોપેશ્વર મહાદેવ સેવક સમિતિ દ્વારા મંગળવાર ના રોજ તૈયારીઓ હાથ ધરવામાં આવી હતી.
ગોપેશ્વર મહાદેવ સેવક સમિતિ દ્વારા મંદિર પરિસર ની આજુબાજુમાં ઊગી નીકળેલા જાડી જાખરા સહિત ની ગંદકી દુર કરી પરિસર ની જગ્યા ને શ્રી ગોપેશ્વર મહાદેવ સેવક સમિતિના સેવાભાવી સભ્યો દ્વારા સ્વચ્છ અને રમણીય બનાવવામાં આવી હતી.
અહેવાલ યશપાલ શ્યામી
