ચાણસ્મા તાલુકાના ગંગેટ ગામે ડોર ટુ ડોર પ્રચાર દ્વારા લોકોને મતદાન અંગે જાગૃત કરવા તંત્રએ કમર કસી…

પાટણ તા. ૧૮
લોકસભા સામાન્ય ચૂંટણી-2024 અંતર્ગત પાટણ જિલ્લામાં ત્રીજા તબક્કામાં આગામી તા.07 મેના રોજ મતદાન થવાનું છે. મતદાન એ જ મહાદાનના સૂત્રને સાર્થક કરવા માટે જિલ્લા વહીવટી તંત્ર કટીબદ્ધ છે. જે માટે જિલ્લામાં વિવિધ કાર્યક્રમો કરવામાં આવી રહ્યા છે. સ્વીપ પ્રવૃતિ અંતર્ગત આયોજીત થતા કાર્યક્રમો હેઠળ જિલ્લાના આઈસીડીએસ વિભાગ દ્વારા ગંગેટ ગામે ડોર ટુ ડોર પ્રચાર-પ્રસાર કરવામાં કમર કસી હતી.

ચાણસ્મા તાલુકાના ગંગેટ ગામે શિક્ષકો, તલાટી, આરોગ્ય વિભાગનો સ્ટાફ અને આંગણવાડીની બહેનો દ્વારા ડોર ટુ ડોર જઈને લોકોને મતદાનનું મૂલ્ય સમજાવીને આગામી ચૂંટણીમાં અચૂક મતદાન કરવા માટે જણાવ્યું હતુ. સ્વીપ પ્રવૃતિઓ અંતર્ગત આયોજીત આ કાર્યક્રમમાં લોકોના ઘરે જઈને તેઓને આગામી 7 મેના રોજ તમામ કામોને બાજુ પર મુકીને મતદાન કરવા માટે દસ મિનીટ ફાળવવાની અપીલ કરવામાં  આવી  હતી.

અહેવાલ યશપાલ શ્યામી