પાટણ વિજય હનુમાન સંન્યાસ આશ્રમ ખાતે આયોજિત રામ કથામાં ભગવાન રામલલ્લા ના જન્મોત્સવ ની ઉજવણી કરાઈ…

પાટણ તા. ૧૮
પાટણ ના વિજય હનુમાન સન્યાસ આશ્રમ ખાતે ચાલી રહેલ રામકથામાં રામનવમી ના પવિત્ર દિવસે રામલલ્લા ના જન્મોત્સવ પ્રસંગની ભક્તિ સભર માહોલમાં ઉજવણી કરવામાં આવી હતી. આ પ્રસંગે રામકથાના વકતા પ.પુ. કિશોરભાઈ શાસ્ત્રીએ જણાવ્યું હતું કે રામ ભારતનો પ્રાણ છે,

સાક્ષાત્ વેદ જ રામાયણ બન્યા છે, ઋષિ, આચાર્ય, વિદ્વાન અને સાધુ સંતો ના સત્કાર , પૂજન અને સ્મરણ થઈ શકે પણ જપ અને ધ્યાન તો પરમાત્માનું જ થાય, રામાયણ અને મહાભારત ઇતિહાસ છે, રામાયણ કલ્પવૃક્ષ છે,

ભગવાન ધર્મની પુનઃ સ્થાપના કરવા અવતાર ધારણ કરે છે, મનુષ્ય માત્ર માટે રામાયણ પથ દર્શક છે, ચાર પ્રકાર ના લોકો ભક્તિ કરે છે, દુઃખી, જિજ્ઞાસુ, અર્થાર્થી અને જ્ઞાની. એમાં જ્ઞાની સૌથી શ્રેષ્ઠ છે. હનુમાનજી જ્ઞાની ભક્ત છે,રાજ્ય ની અનેક પદ્ધતિઓ છે પણ રામ રાજ્ય સર્વશ્રેષ્ઠ છે, સરસ્વતીની ઉપાસનાથી બુદ્ધિ અને વ્યાસ સ્મરણ થી સ્મૃતિ વધે છે, અનંત જન્મો ના પુણ્યનો ઉદય થાય ત્યારે રામકથા સત્સંગ પ્રાપ્ત થાય છે,

માનવ ધર્મ શુભ છે શ્રેષ્ઠ નહિ , ધર્મનું શ્રેષ્ઠતમ સ્વરૂપ તો સનાતન ધર્મ જ છે તેવા માર્મિક દ્રષ્ટાંત વણૅવી કથામાં રામ જન્મની ધામધૂમ થી ઉજવણી કરવામાં આવી હતી. રામ જન્મોત્સવના પ્રસાદના મુખ્ય દાતા સાંઈબાબા નગરના મહિલા મંડળની બહેનોએ લાભ લઈ ધન્યતા અનુભવી હતી. કથાનું રસપાન કરવા આવેલા સૌ ભકતોને વિજય હનુમાન સંન્યાસ આશ્રમ ના સંત દ્રારા આશિર્વાદ પાઠવ્યા હતા.

અહેવાલ યશપાલ શ્યામી