પાટણ તા. ૨૦
પાટણમાં અનેક સેવાકીય સંસ્થાઓ વિવિધ પ્રકારની સેવાકીય પ્રવૃત્તિઓ કરવામાં આવી રહી છે. તો સેવા ભાવી વ્યક્તિઓ અને પરિવારો દ્વારા પણ પોતાના મહોલ્લા,પોળો અને સોસાયટી વિસ્તારમાં પણ નાની મોટી સેવાની પ્રવૃત્તિઓ કરી સેવાની સુવાસને ચોમેરે ફેલાવી રહ્યા છે. ત્યારે પાટણ શહેરના ખોખરવાડા વિસ્તારમાં આવેલા રામચોક માં અબોલ પક્ષી ને ચણ નાખવા માટે બનાવવામાં આવેલ ચબૂતરો જર્જરીત બનતા તેના નવનિર્માણ માટે આ વિસ્તારમાં રહેતા સ્વ હીરાબેન ગોપાલદાસ પ્રજાપતિ પરિવારે સહ યોગી બની ચબુતરા નું નિમૉણ કરી અબોલ પક્ષીઓ માટે અપૅણ કરતાં ખોખરવાડા રામ ચોકમાં રહેતા રહીશોએ પરિવારની અબોલ પક્ષી માટે ની નિસ્વાર્થ સેવાને બિરદાવી હતી.
અહેવાલ યશપાલ શ્યામી
