શહેરના પંચમુખી હનુમાન મંદિર પરિસર ખાતે અન્નકુટ મહોત્સવ સાથે સુંદરકાંડ નું પઢન કરાયું…
પાટણ તા. ૨૩
મંગળવારના પવિત્ર દિવસે પાટણ શહેરના હનુમાનજી મહારાજ મંદિર પરિસરોમાં હનુમાન જયંતિ નિમિત્તે અન્નકૂટ મહોત્સવ, સુંદરકાંડ,હનુમાન ચાલીસા ના પાઠનું ભક્તિ સંગીત ના સુરો વચ્ચે પઠન કરવા ની સાથે વિવિધ ધાર્મિક ઉત્સવો ઉજવવામાં આવ્યાં હતાં.
પાટણ શહેરના 600 વષૅ જુના અધોરી ની જગ્યા માં આવેલ પંચમુખી હનુમાન મંદિર પરિસર ખાતે પણ પ. પુ. બ્રહ્મલીન નર્મદા ગીરીજી મહારાજ ગુરુશી કાશી ગીરીજી મહારાજના રૂડા આશીર્વાદથી સેવક પરિવાર દ્વારા હનુમાન જયંતિ ના પાવન દિવસ ની ઉજવણી કરવામાં આવી હતી.
હનુમાન જયંતીના આ પાવન પર્વ પ્રસંગે શ્રી પંચમુખી દાદા ના મંદિર પરિસરને રંગબેરંગી ફુલોથી શણ ગાર સાથે દાદા સન્મુખ અન્નકૂટ ધરાવવામાં આવ્યો હતો. સાથે સાથે મંદિર પરિસર ખાતે ભક્તિ સંગીત ના સુમધુર સરો વચ્ચે અમિતાબેન નાયક તથા સહ કલાકારો દ્રારા હનુમાન ચાલીસા અને સુંદરકાંડ નું પઠન કરાયું હતું.
જેમાં મોટી સંખ્યામાં પાટણ શહેરના ભાવિક ભક્તો એ ઉપસ્થિત રહી ભગવાન શ્રીરામના પરમ ભક્ત શ્રી હનુમાનજી મહારાજની આરાધના સાથે ગુણવાન ગાઈને ધન્યતા અનુભવી હોવાનું શ્રી પંચમુખી હનુમાન જી મંદિર પરિસરના કતૉ હતૉ અરુણભાઈ આચાર્ય એ જણાવ્યું હતું.
તો પાટણ શહેરના છબીલા હનુમાન , કલ્યાણ મારુતિ હનુમાન, ભીડ ભંજન હનુમાન, બળિયા હનુમાન, રંગીલા હનુમાન સહિત ના હનુમાન મંદિરો માં દાદા નો મારુતિ યજ્ઞ કરવામાં આવ્યો હતો. જયારે બાલા હનુમાન, ગુણવત્તા હનુમાન, જલારામ મંદિર હનુમાન, સિદ્ધ નાથમંદિર સ્થિત હનુમાન સહિત અનેક હનુમાન મંદિર ખાતે દાદાને સુંદર મજાની આગી, મારુતિયજ્ઞ અને અન્નકૂટ સહિત સુંદરકાંડ અને હનુમાન ચાલીસા નું પઠન કરવામાં આવતા સમગ્ર વાતાવરણ શ્રી રામ ભકત હનુમાન જી મય બન્યું હતું.
અહેવાલ યશપાલ શ્યામી
