બે દિવસમાં 22000 થી પણ વધુ લોકોએ આનંદ મેળાને માણ્યો…
પાટણ તા. ૨૩
પરીક્ષાઓ પૂરી થતાં વેકેશનની શરૂઆત થતાં બાળકોમાં રહેલ પ્રતિભા, આવડત, આત્મસૂજ, કંઈક કરવાની ઉત્સુકતાને ધ્યાનમાં રાખી બાળકોમાં રહેલ આત્મવિશ્વાસને બહાર લાવવા માટે નોર્થ ગુજરાત એજ્યુકેશન સોસાયટી દ્વારા સંચાલિત ભગવતી ઇન્ટરનેશનલ પબ્લિક સ્કૂલમાં બે દિવસીય ભવ્ય “Fantasia Fest” જેવાં સુંદર આનંદ મેળાનું આયોજન કરવામાં આવ્યું હતું.
આનંદ મેળાની શરૂઆત સંસ્થાના અગ્રણી જીગ્નેશ શાહના હસ્તે રીબીન કાપીને કરવામાં આવ્યો હતો. સાથે-સાથે નોર્થ ગુજરાત એજ્યુકેશન સોસાયટી સંસ્થાના CDO પ્રો.જય ધ્રુવ દ્વારા આ સુંદર આયોજન સફળ બને તે માટે શુભેચ્છાઓ પાઠવવામાં આવી હતી. બે દિવસીય આનંદ મેળામા કુલ 80 સ્ટોર ઉભા કરાયા હતા જેમા 11 સ્ટોર પેરેન્ટ્સ તરફથી બાળકોને પ્રોત્સાહન આપવા માટે બનાવવામાં આવ્યા હતા
જેમાં હીરા જ્વેલરી સ્ટોર, સાહિત્ય વેચાણ કેન્દ્ર, મનોહર આર્ટ ગેલેરી, હોમમેડ ચોકલેટ, પટોળાવાલા વેર્સ, સ્વદેશી હાટ, વન્ડરફુલ વર્ડ, નેઈલ આર્ટ-બુક માર્ક, માટીના રમકડાં તથા વિવિધ વાસણો, ઘોડે સવારી, ટીચર્સ ચાય વાલા જેવા સ્ટોર બનાવવામાં આવ્યા હતા. આ ઉપરાંત ભગવતી સ્કૂલના તથા અરવિંદ જીવા ભાઈ સ્કૂલનાં બાળકો દ્વારા વિવિધ પ્રકારના 64 સ્ટોર પણ ઉભા કરવામાં આવ્યા હતા.
જેમાં કે – કિડ્સ ગેમ, ફૂડ સ્ટોર, મનોરંજન વિભાગ, સાર્ક ટેંક, આર્ટ ગેલેરી સાથે વિવિધ પ્રકારની ખાણી- પીણી તથા ગેમો ના સ્ટોરની પાટણના પ્રબુદ્ધ નગરજનો સાથે કેટલાક વિદેશી મહેમાનોએ આ સુંદર આનંદ મેળાની મુલાકાત લઈ અને વિવિધ પ્રકારની ખાણી – પીણીની મોજ સાથે અનેક રમતો રમી બાળકો ની પ્રતિભાને ખૂબ જ ઉત્સાહથી વધાવી હતી. સમગ્ર કાર્યક્રમને સફળતા પૂર્વક પૂર્ણ કરતાં ડૉ. જે. એચ.પંચોલી અને પ્રો. જય ધ્રુવ એ પણ શાળાનાં આચાર્ય સંજય પંચોલી અને ડૉ.ચિરાગ પટેલ સહિત સ્ટાફ પરિવાર સાથે વિદ્યાર્થીઓ, વાલીઓનો આભાર વ્યક્ત કર્યો હતો.
અહેવાલ યશપાલ શ્યામી
