પાટણ યુનિવર્સિટીમાં 14 વર્ષ પૂર્વે શરૂ કરવામાં આવેલ જૈન એકેડમી વિભાગ પુનઃ શરૂ કરવા કુલપતિ ને રજુઆત કરાઈ

જૈન ગુરુભગવંતો સહિત જૈન સમાજના પ્રતિનિધિ મંડળે કુલપતિ ની શુભેચ્છા મુલાકાત સાથે વિવિધસુચનો જણાવ્યા..

યુનિવર્સિટીના કુલપતિ દ્વારા જૈન મંડળોના સૂચનો બાબતે હકારાત્મક અભિગમની ખાતરી આપી..

પાટણ તા. ૨૫
પાટણની હેમચંદ્રાચાર્ય ઉત્તર ગુજરાત યુનિવર્સિટીમાં આજથી ચૌદ વર્ષ પૂર્વે જૈન શ્રેષ્ઠિઓના સહયોગ થી કાર્યરત કરાયેલ જૈન એકેડેમી વિભાગ પુનઃ ધમધમતો બને અને આ વિભાગમાં જૈન ધમૅ ના અભ્યાસ ઈચ્છુક વિધાર્થી ઓ પ્રવેશ મેળવી જૈન ધર્મ નું જ્ઞાન પ્રાપ્ત કરી શકે તે માટે ગુરૂવાર ના રોજ પરમ પૂ. મહાવિદેહ વિજયજી મહારાજ સાહેબ, પૂ. મહાશાલ વિજયજી મહારાજ સાહેબ, હેમ.જૈન જ્ઞાન મંદિર ના મેનેજીંગ ટ્રસ્ટી યતિનભાઈ વી.શાહ, પ્રાકૃત વિદ્વાન ડો.કુણાલ કપાસી અને અશોકભાઈ શાહ સહિત પાટણ ના જૈન સમાજના એક પ્રતિનિધિ મંડળે હેમચંદ્રા ચાર્ય ઉ. ગુ. યુનીવર્સીટીના કુલપતિ કીશોર જી પોરીયાની શુભેચ્છા મુલાકાત લીધી હતી.

જૈન સાધુ ભંગવંતો સાથે જૈન મંડળના સભ્યો એ કુલપતિ ની શુભેચ્છાઓ મુલાકાત દરમિયાન રજુઆત કરી હતી કે પાટણના જૈન સમાજની ઉદાર સખાવત થી યુનિવર્સીટી કેમ્પસ માં જૈન એકેડેમી માટેના વિશાળ ભવનનું નિર્માણ આશરે ૧૪ વર્ષ અગાઉ કરી આપવામાં આવ્યું છે.

છતાં,આ ભવન નિર્માણ પાછળના મૂળભૂત ઉદ્દેશો ની પરિપૂર્તી ન થવાથી જૈન સમાજ વ્યથિત હોવાની લાગણી અનુભવી રહ્યો છે. ઉ. ગુ. યુનીવર્સીટી સાથે જેમનું નામ જોડવામાં આવ્યું છે તે મહાન જૈનાચાર્ય હેમચંદ્રનું અનેકવિધ વિષયોમાં બહુ આયામી અને બહુશ્રુત પ્રદાન રહયું છે. હેમચંદ્રાચાર્ય જૈન જ્ઞાનભંડારમાં હેમચંદ્રા ચાર્ય ના વિવિધ વિષયક ૨૫ ગ્રંથો આજે પણ અકબંધ સચવાયેલા છે જેનું શ્લોક પ્રમાણ ૨૦૪૬૫૬ જેટલું છે. આમ છતાં યુનીવર્સીટી ના સ્નાતક કે અનુસ્નાતક ના અભ્યાસ ક્રમોમાં હેમચંદ્રાચાર્યની એક પણ કૃતિનો સમાવેશ કરવામાં આવ્યો નથી.

તે બાબતે પણ વિદ્યાજગતની નારાજગી હોવાની રજુઆત કરવા માં આવી હતી.તો હેમચંદ્રાચાર્ય રચિત ‘કાવ્યાનુશાશન’ બોમ્બે સંસ્કૃત-પ્રાકૃત ગ્રંથમાળામાં તેમજ આ જ ગ્રંથનો પાટણના પનોતા પુત્ર એવા સારસ્વત ડો. તપસ્વી નાન્દી કૃત અંગ્રેજી અનુવાદ હેમચંદ્રાચાર્ય યુનીવર્સીટી દ્વારા જ પ્રકાશિત કરવામાં આવ્યો હોવાનું જણાવી ત્રિષષ્ટીશ લાકાપુરૂષ ચરિત, દ્વયાશ્રય મહાકાવ્ય, યોગશાસ્ત્ર, પ્રમાણ મીમાંસા વગેરે ગ્રંથો પણ આચાર્યની પ્રતિભાના પરિચાયક છે.

મહાન આચાર્યનું નામ જે યુનીવર્સીટી સાથે જોડાયેલું હોય તેની કોઈ સક્ષમ કૃતી અભ્યાસ ક્રમમાં સમાવેશ ન પામે તેને એક વિડમ્બના જ ગણાય તેવી લાગણી જૈન મંડળ દ્વારા વ્યકત કરી પ્રતિનિધિ મંડળે કુલપતિ ને કેટલાક મહત્વના સૂચનો કરવા માં આવ્યા હતા જેમાં છેલ્લા ૨૨ વર્ષથી પ્રતિવર્ષ હેમચંદ્રાચાર્ય જૈન જ્ઞાન મંદિર ના તત્વાધાનમાં ઉજવાતા હેમચંદ્ર સમારોહ પૂર્ણતઃ શ્રધ્ધાભાવ- પ્રપતિભાવના અને એકેડેમિક પ્રતિ બધ્ધ સાથે યોજાય તે હેતુથી આ સમારોહના આયોજન સંચાલન માટે યુનીવર્સીટી ના કુલપતિ ની અઘ્ય ક્ષતા માં યુનીવર્સીટીના અધ્યાપકો, બે વિદ્વાનો ઉપરાંત હેમચંદ્રાચાર્ય જૈન જ્ઞાન મંદિર ના બે પ્રતિનિધિ ઓની બનેલી ખાસ સમિતિની નીમણૂંક કરવી,

હેમચંદ્રાચાર્ય ની વિચારધારાના પ્રચાર-પ્રસાર અર્થે યુનિવર્સીટી દ્વારા આયોજિત દરેક પરિસંવાદો અને અધિવેશનોના બ્રોશર્સ માં આચાર્યશ્રીનો તાત્વિક પરિચય કરાવતા એકાદ ફકરાને સ્થાન આપવું, જૈનો લોજી વિભાગમાં ચલાવવામાં આવતા સર્ટીફીકેટ કોર્સનો દૂર-દુર ના સ્ટુડન્ટસ લાભ લઈ શકે તેમજ પૂજય જૈન સાધુ-સાધ્વીજી આ અભ્યાસક્રમનો લાભ લઈ શકે તે સારૂ તેના નિયમોમાં જરૂરી ફેરફારો કરવા

તેમજ જૈનોલોજી વિભાગમાં તબકકા વાર જૈનોલોજી ઈન પ્રાકૃત,સંસ્કૃતમાં સ્નાતક, અનુસ્નાતક, પી.એચ.ડી. ના અભ્યાસક્રમ શરૂ કરવામાં આવે, જૈનોલોજી વિભાગમાં દરેક વર્ષે હસ્ત પ્રત શાસ્ત્ર (મેન્યુસ્ક્રી પ્ટોલોજી ) ના વર્કશોપ નું આયોજન કરવું, જૈન જ્ઞાનભંડારમાં ડીજીટલાઈઝ કરવામાં આવેલી આશરે ૨૭ હજાર જેટલી પ્રાચીન હસ્તપ્રતોનું રીસર્ચ કામ કરવા યુનિવર્સીટી ના વિદ્યાર્થીઓને પ્રોત્સાહિત કરવા, યુનિવર્સીટી માં હેમ ચંદ્રા ચાર્ય કોર્નરની સ્થાપના કરવી તેવા વિવિધ સુચનો કરી આ સુચનો ના અમલ માટે અને જૈનો લોજી વિભાગ ને કાર્યા ન્વિત કરવા જૈન સમાજ તરફથી અપેક્ષિત હોય તેવા આર્થિક સહયોગ આપવાની પણ ખાતરી પ્રતિ નિધિ મંડળ તરફથી ખ કુલપતિ ને આપવામાં આવી હતી..

જૈન સાધુભંગવતો અને જૈન મંડળ તરફથી મળેલી રજુઆત સાથે ના સુચનો મામલે યુનિવર્સિટી ના કુલ પતિ એ પણ ઉમદા, ઉદાર અને પ્રોત્સાહક પ્રતિ ભાવ આપી યુનિવર્સિટી મા જૈનોલોજી વિભાગ કાર્યા ન્વિત કરવા માટે તેમની પ્રતિબધ્ધતા જાહેર કરતા જૈન સાધુભંગવતો સહિત જૈન મંડળે કુલપતિ સમક્ષ આભારની લાગણી વ્યકત કરી મુલાકાતની સ્મૃતિમાં જૈન પ્રતિનિધિ મંડળ તરફથી કુલપતિ ને મુનિ ન્યાય વિયજી રચિત જૈન દર્શન ગ્રંથ ભેટ રૂપે સાદર કરવામાં આવ્યો હતો.

અહેવાલ યશપાલ શ્યામી