પાટણ તા. ૨૭
પાટણ શહેરના વાળીનાથ ચોક વિસ્તારમાં આવેલ બ્રહ્માણી નગર ખાતેના શ્રી ગોગા મહારાજ ના મંદિર પરિસર સન્મુખ જાતર રમેલ નો ધામિર્ક ઉત્સવ હર્ષોલ્લાસ મય વાતાવરણ વચ્ચે યોજાયો હતો. બ્રહ્માણી નગર ખાતે ના શ્રી ગોગા મહારાજના મંદિર પરિસર ખાતે આયોજિત કરવામાં આવેલ રમેલ-જાતર ના આ ધાર્મિક પ્રસંગને લઈને પાટણ પંથકના વિવિધ દેવી-દેવતાઓના ભુવાજી ઓએ ઉપસ્થિત રહી રૂડા આશીર્વાદ પાઠવ્યા હતા.
સવારે ભક્તિ સંગીતના સૂરો વચ્ચે તેલ ફૂલ ની વિધિ કરવામાં આવી હતી ત્યારબાદ રમેલ જાતરના આ ધાર્મિક પ્રસંગે ઉપસ્થિત રહેલા ભાવિક ભક્તોએ સમૂહ ભોજન પ્રસાદ ગ્રહણ કરી શ્રી ગોગા મહારાજના આશીર્વાદ મેળવી ધન્યતા અનુભવી હતી.
શ્રી ગોગા મહારાજના મંદિર પરિસર ખાતે આયોજિત કરાયેલા રમેલ જાતરના ધાર્મિક પ્રસંગમાં ઉપસ્થિત રહેલા પાટણ પંથકના ભુવાજીઓ સહિત ભક્તજનોને છગનભાઈ ભુવાજી તથા સમસ્ત બ્રહ્માણી નગર ના રહીશો દ્વારા આભાર વ્યક્ત કરવામાં આવ્યો હતો.
અહેવાલ યશપાલ શ્યામી
