શંખેશ્વર તીર્થ ખાતેના રાજેન્દ્રસૂરિ નવકાર મંદિર માં જૈના ચાર્ય શ્રી ના સાનિધ્ય માં યોજાયા વર્ષીતપ ના પારણા.

જૈન ધર્મનું અત્યન્ત મહિમાવંત તપ એટલે વર્ષીતપ:નિપુણરત્નવિજયજી.

પાટણ તા. ૧૦
શંખેશ્વર તીર્થ માં આવેલ રાજેન્દ્રસૂરિ નવકાર મંદિર માં બિરાજમાન શ્રી સોધર્મ બૃહત્તપાગચ્છ ત્રિસ્તુતિક જૈનાચાર્ય શ્રીમદ્ વિજય જયન્તસેન સૂરીશ્વરજી મહારાજના શિષ્ય સુવિશાલ ગચ્છાધિપતિ આચાર્ય શ્રીમદ્ વિજય નિત્યસેનસૂરીશ્વરજી મહારાજ ,મુનિરાજ શ્રી ચારિત્રરત્ન વિજય જી મહારાજ આદિ ૭૫ થી અધિક સાધુ સાધ્વીજી મહારાજ ની નિશ્રામાં અને ભક્તિસૂરિ સમુદાય ના ગચ્છનાયક આચાર્ય ભગવંત શ્રીમદ્ વિજય હેમચંદ્રસૂરિ મહારાજ આદિ ઠાણા ની ઉપસ્થિતિ માં થી સૌધર્મ બૃહત્ત પાગચ્છ ત્રિસ્તુતિક સમુદાય સાઘ્વી શ્રી અવિચલદૃષ્ટા શ્રી જી ને સાધ્વી શ્રી શ્રી યશોલતા શ્રીજી, સાધ્વી શ્રી ભક્તિરસા શ્રી જી,સાધ્વી શ્રી નિરુપણકલા શ્રી જી, સાધ્વી શ્રી મૈત્રીકલા શ્રી જી , સાઘ્વી શ્રી અર્હત પ્રિયા શ્રી જી ને 400 દિવસથી ચાલી રહેલુ એવું જૈન ધર્મનું અત્યન્ત મહિમાવંત વર્ષીતપ પુર્ણ થતાં શુક્રવારે સવારે તેઓ નો પારણા પ્રસંગ યોજાયો હતો.

આ પ્રસંગે જૈનાચાર્ય શ્રી જયન્તસેન સૂરીશ્વરજી મહારાજ ના શિષ્ય મુનિરાજ શ્રી નિપુણરત્ન વિજયજી મહારાજ નું પ્રવચન યોજાયું જેમાં મુનિરાજે કહ્યું કે જૈન શાસ્ત્રોમાં તપનું આગવું મહત્ત્વ છે. તપસ્યા એટલે કર્મો બાળવાની ભઠ્ઠી. જૈન ધર્મમાં તપ કરવાનો મુખ્ય આશય કર્મક્ષય જ હોય છે. તેથી વર્ષીતપની આરાધ ના પણ કર્મક્ષયનું અમોધ સાધન છે,

મુનિરાજ શ્રી નિપુણરત્નવિજયજી મહારાજે જણાવ્યું કે જૈન ધર્મનો કર્મ સિદ્ધાંત સર્વકાલીન, સર્વદેશીય અને સર્વજનીન છે. તેમાં કોઈ કાળે પરિવર્તન થતું નથી. તે શાશ્વત છે. તેથી તીર્થંકરો પણ તેમાંથી બાકાત રહી શકતા નથી. આમ આદિનાથ ભગવાન ને પૂર્વ ભવમાં બાંધેલ લાભાંતરાય કર્મનો સંપૂર્ણ ક્ષય ન થયો ત્યાં સુધી આહાર પ્રાપ્ત થયો નહીં. અને તે કર્મનો સંપૂર્ણ ક્ષય થતાં જ 400 દિવસ પછી ભગવાન આદિનાથ શ્રેયાંસકુમારના મહેલ તરફ ગોચરી-આહાર માટે પધાર્યા છે.

શ્રેયાંસકુમારે ભગવાન ને જોયા અને જોતાંની સાથે જ અજાગ્રત મનમાં રહેલા પૂર્વ ભવના સંસ્કારો પ્રગટ થયા. અને તે પ્રમાણે સાધુ ભગવંતને નિર્દોષ આહાર કઈ રીતે આપી શકાય તે જાણ્યું અને કુદરતી રીતે તે જ દિવસે કોઈકે તેમને ત્યાં 108 ઘડા તાજો ઇક્ષુરસ (શેરડીનો રસ) મોકલાવેલો જેને શ્રેયાંસકુમારે નિર્જિવ તથા નિર્દોષ જાણી તે જ સમયે ગોચરી માટે પધારેલા પ્રભુને ઇક્ષુરસ લેવાને માટે વિનંતી કરી. આદિનાથ ભગવાને તેને નિર્દોષ જાણી ગ્રહણ કરવાનું સ્વીકાર્યું. અને તે રીતે પ્રભુએ માત્ર ઇક્ષુરસથી 400 દિવસ કરેલા ઉપવાસનું પારણું કર્યું, ભગવાન આદિનાથ ના આ તપ ની સ્મૃતિ માં જૈન ઘર્મ માં વર્ષીતપ ની તપસ્યા દરેક વર્ષે કરવામાં આવે છે,

પારણા કાર્યક્રમ નું આયોજન રાજેન્દ્રસૂરિ નવકાર મંદિર ટ્રસ્ટ તરફથી આયોજિત કરવામાં આવ્યું જેમાં પારણા કાર્યક્રમ નો લાભ થરાદ નિવાસી વોહેરા હિંમતલાલ ચીમનલાલ પરિવાર અને મહેમાનો ની સાધર્મિક ભક્તિ નો લાભ થરાદ નિવાસી વોહેરા બબલદાસ પોપટલાલ પરિવાર અમદાવાદ તરફથી લેવા માં આવ્યો,

આ પ્રસંગે રાજેન્દ્રસૂરિ નવકાર મંદિર ટ્રસ્ટ શંખેશ્વર ના અધ્યક્ષ નાનુભાઈ, ટ્રસ્ટી ભરતભાઈ વોહેરા, વાઘજી ભાઇ વોરા, હસમુખભાઈ વોરા, રસીકભાઇ અદાણી સહિત જયંતિભાઈ વકીલ, હસમુખભાઈ વેદલીયા, યોગેશભાઈ શાહ શંખેશ્વર, તેમજ રાજસ્થાન મધ્યપ્રદેશ અને ગુજરાત રાજ્ય ના અનેક ભાઈ બહેનો ઉપસ્થિત રહ્યા, કાર્યક્રમ ને લઈ ને જીવદયા નું કાર્ય કરવા માં આવ્યું, વર્ષીતપના આ તપ માં જોડાયેલ થરાદ ના પારસભાઈ વોરા સહિત અનેક તપસ્વી નાં પારણા પણ યોજાયા,આયોજન નું સફળ સંચાલન જીવદયા પ્રેમી , ત્રિસ્તુતિક જૈન સંધ ના અગ્રણી હસમુખભાઈ વેદલીયા ડિસા દ્વારા કરવા માં  આવ્યું  હતું.

અહેવાલ યશપાલ શ્યામી