ગુજરાતના શિક્ષણ વિભાગ દ્વારા ધોરણ છ થી આઠ માટે આ સત્ર થી ભણાવાશે ગીતા ના સિધ્ધાંતો અને મૂલ્યો..

અખિલ ભારતીય રાષ્ટ્રીય શૈક્ષિક મહાસંઘે પુસ્તકને આવકાર આપ્યો…

પાટણ તા. ૨૩
ગુજરાત સરકાર નો ઐતિહાસિક અને સમૃદ્ધ સમાજ નિર્માણ કરવામાં મહત્વની ભુમિકા ભજવી શકે એવા સુંદર ચિત્રકથાઓ તથા શ્લોકો દ્વારા નાના બાળકોને બાળપણ થી સર્વધર્મ અને સમભાવની મુલ્યલક્ષી શિક્ષણ વ્યવસ્થા ઉભી કરવાના પ્રયત્નના ભાગ રુપે ધોરણ છ થી આઠ માં પૂરક અભ્યાસ માટે ના ગીતા પૂસ્તકના ભાગ ૧ નું લોકાર્પણ શિક્ષણમંત્રી કુબેરભાઈ ડીંડોર, રાજ્ય કક્ષાના શિક્ષણમંત્રી પ્રફુલ ભાઇ પાનશેરીયા તથા શિક્ષણ સચિવ વિનોદ રાવ દ્વારા કરવામાં આવ્યું હતું.

આ પુસ્તકોથી નાનપણ થી શાશ્વત જીવન મુલ્યો બાળકોમાં સ્થાપિત કરી શકાશે શાળા પાઠ્યપુસ્તક મંડળ, જીસીઈઆરટી તથા અનેક તજજ્ઞોના ભગીરથ પ્રયત્નો બાદ તમામ શિક્ષણ વિભાગના અધિકારી ઓની ઉપસ્થિતિમાં થયેલ ભગવદ્ ગીતાના આ પુસ્તકનો પ્રાથમિક શાળાઓમાં સમાવેશ કરવાના ગુજરાત સરકારના નિર્ણયને અખિલ ભારતીય રાષ્ટ્રીય શૈક્ષિક મહાસંઘ આવકાર્ય ગણાવ્યો છે તથા પુસ્તક નિર્માણ કાર્ય સાથે સંકળાયેલ તમામને અભિનંદન પાઠવ્યા હોવાનું અખિલ ભારતીય રાષ્ટ્રીય શૈક્ષિક મહાસંધ ગુજરાત અધ્યક્ષ ભીખાભાઈ પટેલે જણાવ્યું હતું.

અહેવાલ યશપાલ સ્વામી