પાટણ સહિત જિલ્લાની તમામ નગરપાલિકામાં ટૂંક સમય માં યોગ સ્ટુડિયોના નિમૉણની સંભાવનાઓ પ્રબળ બની.

ગુ.રા.મ્યુ.એડમિનિસ્ટ્રેશનની કચેરી દ્વારા પાટણ સહિત જિલ્લાની તમામ પાલિકામા યોગ સ્ટુડિયોના વિકાસનો પ્રસ્તાવ રજૂ કર્યો…

પાટણ તા.૧૭
પાટણ સહિત પાટણ જિલ્લાની તમામ નગર પાલિકાઓમાં ટૂંકમાં ‘યોગ સ્ટુડિયો’ ની સ્થાપના થાય તેવા સંજોગો છે. ગુજરાત રાજય મ્યુનિસિપાલીટી એડમિનીસ્ટ્રેશનની કચેરી એ પાટણ સહિત તમામ નગર પાલિકાઓ માં ‘યોગ સ્ટુડિયો’ નાં વિકાસનો પ્રસ્તાવ રજુ કર્યો છે. કચેરી એ પાટણ સહિત તમામ નગર પાલિકાઓને શહેરી વિકાસ વિભાગ ના સંદર્ભપત્રને ટાંકીને જણાવ્યું છે કે, શહેરી વિકાસ યોગ અને તેનાં ફાયદાઓ વિશે પાટણ સહિત રાજયનાં લોકોમાં જાગૃતિ લાવવા અને પ્રોત્સાહન આપવાનાં પ્રયાસમાં ગુજરાત સરકાર દ્વારા 25 જિલ્લામાં જિલ્લા દીઠ એક ‘યોગ સ્ટુડિયો બનાવવાનું નક્કી કરાયું છે.

આ સૂચિત યોગ સ્ટુડિયો માટેની મોડેલ ડિઝાઇન અને પ્રઝેન્ટેશન પણ નગર પાલિકાઓને મોકલાયા છે. જે તે નગર પાલિકા ખાતે અનુરૂપ નગરપાલિકાની માલિકની જમીનની પસંદગી 15 દિવસમાં કરાવી તેની માલિકીનાં આધાર પૂરાવા સહ મ્યુનિસિપલ કમિશ્નરની કચેરી ને મોકલવા જણાવ્યું છે. તેમજ જો નગર પાલિકા પાસે પોતાની જમીન ઉપલબ્ધ ન હોય તો તે અંગે કલેકટરનાં સંકલનમાં રહીને જમીનની પસંદગી કરવા જણાવ્યું છે.

આ સૂચિત ‘યોગ સ્ટુડિયો ની ડીઝાઈનોમાં ગ્રાઉન્ડ ફલોરનું ક્ષેત્રફળ 380 સ્કેવર મીટર અને એટલે કે 4090 સ્કેવર ફુટ, યોગા હોલ 190 સ્કેવર મીટર, 70 થી 75 માણસોની ક્ષમતા ધરાવતો હોલ, 190 સ્કે.મી.નો સરક્યુ લેશન, સર્વિસીસ, ટોઇલેટ ઓપરેશન રૂમ તથા વોશરૂમની સુવિધા, 205 સ્કે. મી. નો ટેરેસ ને ફલોર ‘બી’ જેમાં યોગ પ્લેટફોર્મ, 70-75 વ્યક્તિઓની ક્ષમતાવાળો પ્લેટફોર્મ, આનુસંગિક સગવડો સાથે નો આધુનિક યોગ સ્ટુડિયો બનાવવામાં આવે. તેવી શક્યતા છે.

આ પ્રકારનાં યોગ સ્ટુડિયોની ટોટલ કોસ્ટ રૂા.2.25 કરોડની બજેટ અંદાજવામાં આવી છે. આ સમગ્ર સંકુલ કુલે 585 સ્કે. મીટરમાં ફેલાયેલું હશે તેવું પાટણ પાલિકા ના સૂત્રોએ જણાવી પાલિકા દ્વારા યોગ સેન્ટર માટે જગ્યા પસંદ કરી નગર પાલિકા નો ઠરાવ કરી સરકાર માં મોકલવામાં આવશે તેવું જણાવ્યું હતું .

અહેવાલ યશપાલ શ્યામી