એક્ટિવ ગ્રુપના સ્થાપક પ્રમુખ અને જાણીતા બિલ્ડર દિલીપભાઈ પટેલ અને તેમની ટીમ સહિત એક્ટિવ ગ્રુપની સેવાકીય પ્રવૃત્તિને સૌએ સરાહનીય લેખાવી…
500 લિટર ઠંડી છાશના વિતરણ સાથે અબોલ જીવો માટે પાણીની કુંડીઓનું વિતરણ કરાયું..
પાટણ તા. ૨૯
પાટણ શહેરમાં અનેકવિધ સેવાકીય પ્રવૃત્તિ કરીને આગવી ઓળખ ઉભી કરનાર એક્ટિવ ગ્રૂપના સ્થાપક પ્રમુખ અને પાટણના જાણીતા બિલ્ડર દિલીપભાઈ પટેલ દ્વારા શહેરના બગવાડા દરવાજા નજીક નવ નિર્માણ કરાયેલા મણીભદ્ર હાઇટ્સના બુધવારે શુભારંભ પ્રસંગે વેપારીઓ સહિત પાટણ ના નગરજનોને સેવાકીય પ્રવૃત્તિ કરવાની પ્રેરણા મળે તેવા શુભ ઉદ્દેશ થી માનવજીવોની સાથે સાથે અબોલ જીવોની સેવાનો પ્રોજેક્ટ એક્ટિવ ગ્રુપના સહયોગથી કરવામાં આવ્યો હતો..
મણીભદ્ર હાઇટ્સ ના શુભારંભ પ્રસંગે બિલ્ડર દિલીપભાઈ પટેલ અને તેમની સમગ્ર ટીમ સાથે એક્ટિવ ગ્રુપના સભ્યોએ 500 લિટર ઠંડી છાશનું વિતરણ કરવાની સાથે સાથે અબોલ જીવો માટે પાણીની કુંડીઓ નું વિતરણ કરવામાં આવ્યું હતું.
પાટણ શહેર સહિત સમગ્ર જિલ્લામાં છેલ્લા કેટલાક સમયથી પડી રહેલી અસહ્ય ગરમીને ધ્યાનમાં રાખીને આયોજિત કરાયેલા માનવીય તેમજ જીવદયા ના આ સેવા પ્રોજેક્ટને પાટણના નગરજનોએ સરાહનીય લેખાવી દિલીપભાઈ પટેલ અને તેમની સમગ્ર ટીમ સાથે એક્ટિવ ગ્રુપને અભિનંદન પાઠવી મણીભદ્ર હાઇટ્સના શુભારંભ ની શુભેચ્છાઓ પાઠવી હતી.
આ પ્રસંગે પાટણ નગર પાલિકાના પૂર્વ પ્રમુખ અને નાગરિક બેંકના ચેરમેન મહેન્દ્રભાઈ પટેલ, પૂર્વ શહેર ભાજપ પ્રમુખ મનોજભાઈ પટેલ, વેપારી અગ્રણી અને નાગરિક બેંકના પૂર્વ ચેરમેન સુરેશ ભાઈ પટેલ, પાટણ નાગરિક બેંકના પૂર્વ મેનેજિંગ ડિરેક્ટર અતુલભાઇ પટેલ, યુનિ.ના પૂર્વ ઈસી મેમ્બર શૈલેષભાઈ પટેલ, પાટણ નગર પાલિકાના કારોબારી ચેરમેન મુકેશભાઈ જે.પટેલ, નાગરિક બેંકના ડિરેક્ટર હરેશભાઈ મોદી, પૂર્વ કોર્પો. આશિષ મોદી સહિત રાજકીય,સામાજિક આગેવાનો, ડોક્ટર મિત્રો, વકીલમિત્રો, વેપારી મિત્રો, બિલ્ડર મિત્રો,પત્રકાર મિત્રો સહિતનાઓ ઉપસ્થિત રહ્યા હતા.
અહેવાલ યશપાલ સ્વામી
