પાટણ નગરીમાં મુનિરાજ શ્રી નિપુણરત્ન વિજયજી મહારાજ ના આગમનને ભક્તિ સંગીત સાથે વધાવ્યું…

ધર્મનું આચરણ જીવને પાપથી બચાવે છે : નિપુણ રત્નવિજયજી

પાટણ ના ત્રિસ્તુતિક જૈન ઉપાશ્રય માં યોજાયેલી ધર્મસભા નો ભાવિકોએ લાભ લઈ ધન્યતા અનુભવી..

પાટણ તા. ૨૯
જગતમાં દરેક જીવને સુખી થવું છે. પણ સુખ કેવી રીતે મળે તે ખબર ન હોવાથી સુખ મેળવવામાં તેને સફળતા મળતી નથી. સુખનો સંબંધ વસ્તુઓ થી નથી પણ ધર્મ થી છે ધર્મના આચરણ થી પુણ્ય બંધ થાય. તેનાથી મળતી સામગ્રીમાં મોહ ન થાય, માટે સંતોષ ગુણ કેળવાય જેથી દુઃખ ન થાય, સંતોષ સુખનો મૂળ છે, તે શ્રેષ્ઠ ધર્મ છે.

ઉક્ત પ્રેરક પ્રવચન પાટણ ના ત્રિસ્તુતિક જૈન ઉપાશ્રય ખાતે સૌધર્મ બૃહત્તપાગચ્છ ત્રિસ્તુતિક જૈનાચાર્ય શ્રી જયન્તસેન સૂરીશ્વરજી મહારાજા નાં શિષ્ય મુનિરાજશ્રી નિપુણરત્ન વિજયજી મહારાજે પાટણમાં બુધવારે પદાર્પણ પ્રસંગે આયોજિત ધર્મસભા માં કહ્યું હતું. મુનિરાજે જણાવ્યું કે સંસારમાં જીવો ના દુ:ખનું કારણ લોભ છે. તેને દૂર કરવા ‘સંતોષ’ રાખવો શ્રેષ્ઠ ઉપાય છે.

ધર્મનું આચરણ જીવને પાપથી બચાવે છે ,પાપથી મુક્તિ થાય તો દુ:ખ આવે જ નહીં. સુખી બનવાનો ઉપાય એક જ છે, જેના થી મોહ વધે, તેવો સંગ્રહ ના કરવો. પુણ્ય થી આવી જાય તો દાન કરી દેવું જોઈએ જેથી સંતોષ વધતો રહે સુખ પણ મળે તેમ જણાવ્યું હતું.ત્રિસ્તુતિક જૈન ઉપાશ્રય નાં અગ્રણી હસમુખભાઈ ધરુ એ જણાવ્યું કે આજ બુધવારે સવારે મુનિરાજ શ્રી નિપુણરત્નવિજયજી મહારાજ નું પાટણ ના ત્રિસ્તુતિક જૈન ઉપાશ્રય ખાતે પદાર્પણ થયું

આ પ્રસંગે ત્રણ દરવાજા થી શોભાયાત્રા સાથે મંગળ પ્રવેશ યોજાયો ત્યાર બાદ ધર્મસભા નું આયોજન થયું જેમાં મુનિરાજ શ્રી નુ પ્રવચન સહિત અનેક કાર્યક્રમો યોજાયા, કાર્યક્રમ માં પધારેલ દરેક ભાઈ બહેનો નું શબ્દો થી સ્વાગત જૈન અગ્રણી ધીરુભાઈ શાહે કર્યું,

ત્રિસ્તુતિક જૈન અગ્રણી અલકેશ શાહે આગામી કાર્યક્રમો ની જાણકારી આપતા કહ્યું કે મુનિરાજ શ્રી ની પાટણ ખાતે ની બે દિવસીય સ્થિરતા દરમિયાન ગુરુવારે અને શુક્રવાર સવારે ૭ કલાકે ત્રિસ્તુતિક જૈન ઉપાશ્રય ખાતે મુનિરાજ શ્રી ના પ્રવચન રુપે વાચના ક્ષેણી યોજાશે, મુનિરાજ શ્રી ના પદાર્પણ પ્રસંગે જૈન સંધ ના સદસ્યો તેમજ સ્થાનિક નાગરિકોએ વિશાળ સંખ્યામાં ઉપસ્થિતિ રહ્યા હતા.

અહેવાલ યશપાલ સ્વામી