મીઠા વાળું પાણી માગૅ પર ઢોળતા માગૅ ચિકણા બનતાં અકસ્માત સજૉઈ રહ્યા હોવાનું અનુમાન..
પાટણ તા. ૩૧
સાંતલપુર હાઈવે માગૅ પરથી અવરલોડ મીઠું ભરીને બેફામ પણે પસાર થતાં ડમ્પર ચાલકોના કારણે અવાર નવાર સજૉતા અકસ્માત ના બનાવો ને લઇ લોકો ત્રાહિમામ પોકારી ઉઠયા છે.ત્યારે આ મામલે પોલીસ તંત્ર અને આરટીઓ દ્વારા અવરલોડ મીઠું ભરીને દોડતા ડમ્પર ચાલકો સામે કડક કાર્યવાહી હાથ ધરવામાં આવે તેવી લોક માગ પ્રબળ છે.
આ બાબતે મળતી માહિતી મુજબ પાટણ જિલ્લાના સાંતલપુર ખાતે મીઠા ના રણમાં અલગ અલગ મીઠા ની ફેક્ટરીઓ આવેલી છે તેની અંદર બનાસકાંઠા ના બોરૂ ગામથી મીઠું ભરીને આખો દિવસ અને રાત્ર અવરલોડ મીઠું ભરીને મીઠાના ડમ્પરો બેફામ ચાલતા હોય છે. તેના કારણે રોડ ઉપર મીઠા વાળું પાણી ઢોળવાના કારણે રોડ પર ચિકાસ જામી જતી હોય છે તેના કારણે વારંવાર એક્સિડન્ટની ઘટનાઓ બને છે.
તો આવા અકસ્માત ના બનાવોમાં કેટલાક લોકો તો મોતને ભેટી ચુક્યા છે ત્યારે આવા એકસીડન્ટના બનાવો અટકાવવાની જગ્યાએ સાતલપુર પોલીસ અને આરટીઓની મીઠી નજર હેઠણ અવર લોડ મીઠા ના ડમ્પરો ભરીને બોરૂ ગામથી સીધાડા થી સાતલપુર સુધી પહોંચતા હોય છે
તો રોડ ઉપર પાણી વાળુ મીઠું ઢળવાના કારણે રોડ ઉપર ચીકાશ જામતી હોય તેને લઈને વારંવાર એક્સિડન્ટ ની ધટના બની રહી છે. ત્યારે આવી ઘટનાઓ અટકાવવા સાતલપુર પોલીસ અને આરટીઓ તંત્ર દ્વારા અવરલોડ મીઠું ભરીને પસાર થતાં ડમ્પર ચાલકો સામે કડક કાર્યવાહી હાથ ધરે તેવી લોક માગ પ્રબળ બની છે.
અહેવાલ યશપાલ સ્વામી