સિધ્ધપુર – ખળી ચારરસ્તા હાઈવે માર્ગ પર સિમેન્ટ ભરેલ ટ્રેલરમાં આગ ભભૂકી ઉઠતા અફરા તફરી મચી..

ટ્રેલર માં આગ લાગ્યા ની જાણ સિદ્ધપુર ફાયર વિભાગને થતા તેઓએ ઘટના સ્થળે દોડી આવી પાણીનો મારો ચલાવી આગને કાબુમાં લીધી..

પાટણ તા. ૨
પાટણના સિદ્ધપુર ખળી ચાર રસ્તા હાઇવે પર રાત્રી ના સમયે સિમેન્ટ ની થેલીઓ ભરીને પસાર થઇ રહેલ ટ્રેલરમાં વાયરીંગ શોર્ટ સર્કિટ ના કારણોસર આગ ભભૂકી ઊઠતા અફડાતફડી મચી જવા પામી હતી. જોકે ટ્રેલરમાં આગ લાગતાની સાથે જ ચાલકે સમય સુચકતા વાપરી ટ્રેલરને રોડ સાઇડ પાર્ક કરી સિફત પૂર્વક રીતે ડ્રાઇવર અને કલિંનર બન્ને ટ્રેલર માંથી ઉતરી જતા તેઓનો આબાદ બચાવ થવા પામ્યો હતો. બનાવની જાણ ફાયર બ્રિગેડને કરાતા તેઓએ તાત્કાલિક ઘટના સ્થળે આવી પાણીનો મારો ચલાવી ટ્રેલરમાં લાગેલી આગને કાબુમાં લીધી હતી જો કે આ આગના બનાવમાં ટ્રેલર નો આગળ ની કેબિન નો ભાગ બળીને રાખ થઇ જતા ટ્રેલર માલિકને નુકસાન વેઠવાનો વારો આવ્યો હતો.

આ આકસ્માતના બનાવની મળતી માહિતી મુજબ
ગતરાત્રે સિધ્ધપુર ના ખળી હાઈવે માગૅ પરથી સિમેન્ટ ભરીને પસાર થઇ રહેલા ટ્રેલરમાં વાયરીંગ શોર્ટ સર્કિટ થવાનાં કારણે આગ લાગી ભભૂકી ઉઠી હતી..આગ લાગવાની જાણ ટ્રેલરના ડ્રાઇવર અને કંડકટર ને થતાં તેઓએ સમય સૂચકતા વાપરી ટેલર ને રોડ સાઈડ પાર્ક કરી સિફત પૂર્વક રીતે ડ્રાઇવર-કંડકટર ટ્રેલર માંથી નીચે ઉતરી ગયા હતા.

હાઇવે પર ટ્રેલરમાં લાગેલી આગ ના બનાવના પગલે ફાયર ફાઇટર અને પોલીસને જાણ કરાતા તેઓએ તાત્કાલિક ઘટના સ્થળે પહોંચ્યા હતા. અને સિદ્ધપુર નગરપાલિકાના ફાયર ફાઇટર દ્વારા પાણી નો મારો ચલાવી આગને કાબુમાં લેવાતા લોકો એ હાશકારો અનુભવ્યો હતો.

આગ દરમિયાન ટ્રેલર નું કેબીન બળીને રાખ થતાં ટ્રેલર માલિકને નુકસાન ભોગવવાનો વારો આવ્યો હતો.

અહેવાલ યશપાલ સ્વામી