પ્રથમ દિવસે 1500 ડઝન 50% ના દરે ચોપડાઓનું વિતરણ કરાયું..
પાટણ તા. ૧૦
બેતાલીસ લેઉવા પાટીદાર યુવા મંડળ પાટણ દ્વારા સમાજલક્ષી અનેક પ્રવૃત્તિઓ કરવામાં આવી રહી છે. ત્યારે સમાજના વિદ્યાર્થીઓ માટે હાલમાં 50% ના દરે મિડીયમ અને ફુલસ્કેપ ચોપડા વિતરણ ની શૈક્ષણિક પ્રવૃત્તિ શરૂ કરવામાં આવી છે.
42 લેઉવા પાટીદાર યુવા મંડળ પાટણ દ્વારા સોમવારથી શરૂ કરવામાં આવેલ ચોપડા વિતરણની કામ ગીરી સુપેરે પાર પડે અને સમાજનો એક પણ વિધાર્થી 50℅ ના દરે ચોપડા મેળવી શકે તે માટે પાટણ સ્થિત બેતાલીસ લેઉવા પાટીદાર યુવા મંડળના સદભાવ હોસ્પિટલ સામે આવેલ કાર્યાલય ખાતે ગામ વાઈઝ જુદા જુદા ચાર વિભાગ તૈયાર કરવામાં આવ્યાં છે.
જેમાં ધો. 1 થી કોલેજ કક્ષાએ અભ્યાસ કરતા વિધાર્થી ઓને એક ડઝન ચોપડા 50℅ રકમ લઈને આપવા માં આવી રહ્યા છે. તો ચોપડા લેવા આવનાર વિધાર્થીઓને પોતાનું આધારકાર્ડ અને છેલ્લી માકૅશીટ રજૂ કરવાની હોય છે. આ ચોપડા વિતરણ ફકત બેતાલીસ લેઉવા પાટીદાર સમાજના વિધાર્થી પૂરતું હોવાની સાથે કુલ ૬૦૦૦ ડઝન ચોપડા નું વિતરણ કરવામાં આવશે.
પ્રથમ દિવસે ૧૫૦૦ ડઝન ચોપડા નું વિતરણ કરવામાં આવ્યું હોવાનું મંડળના સભ્યોએ જણાવ્યું હતું. 42 લેઉવા પાટીદાર યુવા મંડળ પાટણ દ્વારા શૈક્ષણિક હેતુસર શરૂ કરાયેલી 50% રકમ મા ચોપડા વિતરણ ની કામગીરીને સમાજના સૌએ સરાહનીય લેખાવી છે.
અહેવાલ યશપાલ સ્વામી