પાટણ નગર પાલિકાના કારોબારી ચેરમેન ના અધ્યક્ષ સ્થાને કોર્પોરેટરો ની પ્રિ- મોન્સુન કામગીરી અંતગૅત સમીક્ષા બેઠક યોજાઈ..

રોડ,રસ્તા,સ્ટ્રીટ લાઈટ, ભૂગર્ભ ગટર,વરસાદી પાણી સહિતના પ્રશ્નો નું નિરાકરણ લાવવા રજૂઆત કરાઈ..

પાટણ તા. ૧૦
પાટણ નગર પાલિકા દ્રારા પ્રિ-મોન્સૂન કામગીરી માટે કારોબારી ચેરમેન મુકેશ પટેલની અધ્યક્ષતા માં પાલિકાના કોર્પોરેટર સાથે બેઠક યોજાઇ હતી. જેમાં શહેરના વિવિધ વોડૅ ની સમસ્યાઓ કોર્પોરેટ દ્વારા જણાવવામાં આવી હતી અને તેનો ઝડપી નિકાલ થાય તેવી રજુઆત કરી હતી. કોર્પોરેટરની બેઠકમાં શહેરના કોર્પોરેટરોએ રોડ, રસ્તા ,પીવાના પાણી ભૂગર્ભ ગટર ,સહિત ચોમાસા માં ભરાઈ જતા પાણીના નિકાલ માટે શું વ્યવસ્થા કરવી જોઈએ તે બાબતે ચર્ચા કરી વિવિધ વોડૅ ના કોર્પોરેટરો એ જણાવ્યું હતું કે ધનાવાડા છાપરા વિસ્તારમાં પાણી ની સમસ્યા છે .ત્યાં સ્ટોમ વોટર ની લાઈન નાખવામાં આવી છે તો તેને ચોમાસા પહેલા સફાઈ કરવા,

સ્વચ્છતા ના પોઈન્ટ પર ચોમાસામાં સફાઈ રાખવા,અઘારા દરવાજા પાસે ના બગીચામાં લાઈટો મુકવા તેમજ શહેરમાં ચોમાસા દરમિયાન પડતા ભુવા પુરવા માટે પણ આયોજન કરવા સૂચન કરાયું હતું. તો શહેર માં પાણી કાપની અગાઉ થી જાણ કરવા પણ સૂચન કરાયું હતું.તો સોમવારે આખા શહેર માં પાણી ની સમસ્યા સર્જાઈ હોય જવાબદાર અધિકારી પાસે ખુલાસો માંગવા સૂચન કર્યું હતું. તો શહેર ના ત્રણ દરવાજાના રીનોવેશન માટે ગ્રાન્ટ માંગવા પણ સુચન કરવામાં આવ્યું હતું. આમ પાટણ શહેર ના કોર્પોરેટર દ્રારા પ્રિ-મોન્સૂન ને લઈ સૂચન કરવામાં આવ્યા હતા.

વોડ નંબર 2ના સૂર્યનગર ભીલ વાસ પાસે પાલિકા દ્વારા પાણી નો બોર બનાવવા માં આવ્યો હતો પરંતુ બોર ફેલ થતા હજુ સુધી નવો બોર થયો નથી તો સત્વરે બોર ચાલુ કરવામાં આવે તો આ વિસ્તાર ના લોકો ને પાણી ની સમસ્યા હલ થઈ શકે તો પાંજરાપોળ વાળી જગ્યા પાસે ના વચલા રોડ ની સફાઈ થતી નથી તે કરવા રજુઆત કરી હતી. સ્ટોમ વોટર હોય તે તમામ લાઈનો સાફ કરવા સૂચન કરવામાં આવ્યું હતું. તો શહેર ના જર્જરિત મકાન અને હોલ્ડિંગ્સો, બેનરો ઉત્તરી લેવા સૂચન કરાયું હતું.

અહેવાલ યશપાલ સ્વામી