ભારત સરકાર દ્વારા લોન્ચ કરાયેલી સ્વચ્છતા એપ પાટણ નગર પાલિકા માં પણ કાર્યરત કરાશે..

આ એપ ઉપર સ્વચ્છતાને લગતી કોઈપણ સમસ્યા ની જાણકારી રજૂ થયાના 48 કલાકમાં તેનું નિરાકરણ લવાશે..

પાટણ તા. ૧૩
પાટણ નગર પાલિકા ની સ્વચ્છતા શાખા દ્વારા સ્વચ્છ ભારત અંતર્ગત એપ લોન્ચ કરવામાં આવી છે જેને લઈ નગર પાલિકા દ્વારા પણ શહેરમાં આ એપ ને લઈ જાહેર જગ્યાઓ પર સ્ટીકર મારવામાં આવશે જેના મારફતે પાટણ શહેરની જનતાને સ્વછતાં ને લઈ કોઈ સમસ્યા હોય તો નગર પાલિકામાં રજુઆત કરવા આવવાની જરૂરિયાત રહશે નહીં અને અરજદાર પોતેજ આ એપ માં પોતાની સ્વચ્છતા અંગે ની ફરિયાદ કરી શકશે અને તેનો 48 કલાક માં નિકાલ કરવામાં આવશે તેવું સ્વચ્છતા શાખાનાં ચેરમેન હરેશભાઈ મોદીએ જણાવ્યું હતું.

વધુમાં તેમણે જણાવ્યું હતું કે ભારત સરકાર દ્વારા સ્વચ્છતા એપ ડાઉનલોડ કરો અને તમારી ફરિયાદ કરો તેવી એક એપ લોન્ચ કરી છે જેનું પાલન પાટણ માં થાય તે માટે પાલિકા દ્વારા શહેર ના અલગ અલગ વિસ્તાર માં આ એપ ના સ્ટીકર લગાવવામાં આવશે જેથી જાહેર જનતા આ સ્વચ્છતા એપ ડાઉનલોડ કરી તેમાં તેમના વિસ્તાર અને તેમની સમસ્યાઓની રજુઆત કરી શકશે.

આ સ્વચ્છતા એપ સ્વચ્છતાને લાગતી કોઈ પણ સમસ્યા આવશે તેનું 48 કલાક માં નિરાકરણ કરવામાં આવશે તેવું જણાવ્યું હતું. કચરાના ઢગલા, કચરાના વાહન આવ્યા નથી,ખુલ્લી જગ્યામાં કચરો બાળવો, ડસ્ટબીન સાફ નથી, ખુલ્લામાં શૌચ,જાહેર પેશાબની જગ્યા (યલો સ્પોટ), સાફ સફાઈ ન થવી, મૃત પ્રાણી, જાહેર શૌચાલયમાં પાણી પુરવઠો નથી, જાહેર શૌચાલયમાં વીજળી નથી,જાહેર શૌચાલયોની સફાઈ, જાહેર શૌચાલય (ઉભરાઈ જવું), ગટર અથવા વરસાદી, પાણીનો ભરાવો, ખુલ્લા ગટરના ઢાંકણા, રસ્તા પર રેલાતા પાણી જેવી સમસ્યાઓની રજુઆત આ એપ પર કરી શકાશે તેવું સ્વચ્છતા શાખાનાં ચેરમેને  જણાવ્યું હતું.

અહેવાલ યશપાલ સ્વામી